സിറിയയിൽ നിന്ന് സൈന്യത്തെ പിന്വലിക്കില്ലെന്ന് യുഎസ് പ്രതിനിധി നിക്കി ഹാലെ
Apr 16, 2018, 10:10 IST
വാഷിംഗ്ടൺ: ലക്ഷ്യം നേടും വരെ സിറിയയിൽ നിന്ന് സൈന്യത്തെ പിൻവലിക്കില്ലെന്ന് ഐക്യരാഷ്ട്ര സംഘടനയിലെ യുഎസ് പ്രതിനിധി നിക്കി ഹാലെ. ഫോക്സ് ന്യൂസ് സൺഡെ മാധ്യമത്തിന് അനുവദിച്ച അഭിമുഖത്തിലാണ് ഹാലെ നിലപാട് വ്യക്തമാക്കിയത്. സിറിയയിൽ രാസായുധാക്രമണം നടക്കുകയില്ലെന്ന് ഉറപ്പ് വരുത്തിയ ശേഷമേ സൈന്യത്തെ പിൻവലിക്കൂ. ഇസ്ലാമിക് സ്റ്റേറ്റിന്റെ സമ്പൂർണ പതനമാണ് മറ്റൊരു ലക്ഷ്യമെന്നും ഹാലെ പറഞ്ഞു. റഷ്യക്കെതിരെ പുതിയ ഉപരോധം ഏർപ്പെടുത്തുമെന്നും ഹാലെ കൂട്ടിച്ചേർത്തു.