മുത്തങ്ങ ചെക്ക് പോസ്റ്റിൽ വൻ കുഴൽപ്പണ വേട്ട; പിടിച്ചെടുത്തത് തക്കാളിപ്പെട്ടിയിൽ ഒളിപ്പിച്ച 48,60,000 രൂപ
Jun 30, 2020, 20:27 IST
വയനാട്: മുത്തങ്ങ ചെക്ക് പോസ്റ്റിൽ വൻ കുഴൽപ്പണ വേട്ട. അരകോടിയോളം രൂപയുടെ കുഴൽപ്പണമാണ് പിടികൂടിയത് . പച്ചക്കറി വാഹനത്തിൽ കടത്തിയ പണമാണ് നാർക്കോട്ടിക് സെൽ ഡിവൈഎസ്പിയുടെ നേതൃത്വത്തിലുള്ള പൊലീസ് സംഘം പിടികൂടിയത്.പണം കൊണ്ട് വന്ന കൊടുവള്ളി നെല്ലാക്കണ്ടി ആവിലോറ സ്വദേശി ഷുക്കൂറിനെ കസ്റ്റഡിയിലെടുത്തു. തക്കാളിപ്പെട്ടിയിൽ ഒളിപ്പിച്ച നിലയിലാണ് പണം കൊണ്ട് വന്നത്. 48,60,000 രൂപയാണ് കണ്ടെടുത്തത്.