രാജ്യത്ത് കോവിഡ് ബാധിതരുടെ എണ്ണത്തില് വീണ്ടും വന് വര്ധന; 24 മണിക്കൂറിനിടെ പതിനായിരത്തിനടുത്ത് പുതിയ രോഗികളും 273 മരണങ്ങളും
ന്യൂഡല്ഹി:ഇന്ത്യയിൽ ആശങ്കയായി കോവിഡ് ബാധിതരുടെ എണ്ണത്തില് വീണ്ടും വന് വര്ധന. 24 മണിക്കൂറിനിടെ പതിനായിരത്തിനടുത്ത് പുതിയ കോവിഡ് കേസുകളാണ് രാജ്യത്ത് റിപ്പോർട്ട് ചെയ്തത്. കൂടാതെ 273 പേര് മരിക്കുകയും ചെയ്തു. കേന്ദ്ര ആരോഗ്യമന്ത്രാലയത്തിന്റെ കണക്കുകൾ പ്രകാരം കഴിഞ്ഞ 24 മണിക്കൂറിനിടെ 9851 പേര്ക്കാണ് രാജ്യത്ത് വൈറസ് ബാധ സ്ഥിരീകരിച്ചത്. ഒരു ദിവസത്തിനിടെ രാജ്യത്തുണ്ടാകുന്ന ഏറ്റവും ഉയര്ന്ന നിരക്കാണിത്. ഇതോടെ ഇന്ത്യയിലെ ആകെ രോഗബാധിതരുടെ എണ്ണം രണ്ടേകാല് ലക്ഷം കടന്ന് 2,26,770 ആയി. ആകെ മരണം 6348 ആകുകയും ചെയ്തു. 1,10,960 പേരാണ് നിലവില് ചികിത്സയിലുള്ളത്. 1,09,462 പേര്ക്ക് രോഗം ഭേദമായിട്ടുണ്ട്. മഹാരാഷ്ട്രയില് മരിച്ചവരുടെ എണ്ണം 2710 ആണ്. 77793 പേര്ക്കാണ് മഹാരാഷ്ട്രയില് ഇതുവരെ വൈറസ് ബാധിച്ചത്.