മുഖ്യമന്ത്രി എവിടെ?; മുഖ്യമന്ത്രിയെ സഭയില് കാണാനില്ലെന്ന് പ്രതിപക്ഷം
തിരുവനന്തപുരം: സംസ്ഥാനത്ത് ഗുണ്ടാ ആക്രമണങ്ങള് വര്ദ്ധിച്ച് വരുന്ന സാഹചര്യത്തില് ആഭ്യന്തരവകുപ്പിന്റെ ചുമതലയുള്ള മുഖ്യമന്ത്രിയെ നിയമസഭയിൽ കാണാനില്ലെന്ന് പ്രതിപക്ഷം. കഴിഞ്ഞ മൂന്ന് ദിവസമായി മുഖ്യമന്ത്രി പിണറായി വിജയൻ നിയമസഭയിൽ എത്തുന്നില്ലെന്ന് പ്രതിപക്ഷ നേതാവ് രമേശ് ചെന്നിത്തല ആരോപിച്ചു. മുഖ്യമന്ത്രിക്ക് തിരക്കുണ്ടാകും എന്നാൽ സഭയിലെത്തേണ്ടതിന്റെ ഗൗരവം മനസിലാക്കണമെന്നും പ്രതിപക്ഷ നേതാവ് കൂട്ടിച്ചേര്ത്തു.
മുഖ്യമന്ത്രി നിയമസഭയിൽ വരാത്തതിനെ തിരെ കെ.മുരളീധരനും വിമർശിച്ചു. നിയമസഭയെ മുഖ്യമന്ത്രി ബഹുമാനിക്കുന്നില്ലെന്നും നരേന്ദ്രമോദിയെ പോലെ പെരുമാറുകയാണെന്നും മുരളീധരൻ പറഞ്ഞു. ഡൽഹിയിലുള്ള മുഖ്യമന്ത്രി മാധ്യമങ്ങളോട് പ്രതികരിക്കാൻ പോലും കൂട്ടാക്കുന്നില്ലെന്നും മുരളീധരൻ ആരോപിച്ചു.