സൈബീരിയയിലെ ഷോപ്പിംഗ് മാൾ തീപിടിത്തം: മരണം 64 ആയി
മോസ്കോ: പടിഞ്ഞാറൻ സൈബീരിയയിലെ കെമറോവിലുള്ള ഷോപ്പിംഗ് മാളിലുണ്ടായ തീപിടിത്തത്തിൽ മരിച്ചവരുടെ എണ്ണം 64 ആയി. നിരവധിപേർക്കു പൊള്ളലേറ്റിട്ടുണ്ട്. ഇതുകൊണ്ടുതന്നെ മരണസംഖ്യ ഉയരുമെന്ന് റഷ്യൻ അഗ്നിശമന സേനാ പ്രവർത്തകരെ ഉദ്ധരിച്ചുള്ള റിപ്പോർട്ടുകൾ പറയുന്നു. മരിച്ചവരിൽ അധികവും കുട്ടികളാണ്.
ഷോപ്പിംഗ് മാളിനുള്ളിലെ സിനിമാ തിയറ്ററിൽ നിന്നാണ് തീപടർന്നതെന്നാണ് വിവരം. തീപിടിത്തത്തിൽ തിയറ്ററിന്റെ മേൽക്കൂര ഇടിഞ്ഞു വീണതാണ് മരണസംഖ്യ വർധിക്കാൻ കാരണമെന്ന് അധികൃതർ പറയുന്നു. കെട്ടിടത്തിന്റെ നാലാം നില പൂർണമായും കത്തിനശിച്ചു. എന്നാൽ തീപിടിത്തത്തിനുള്ള കാരണം എന്താണെന്ന് വ്യക്തമല്ല.