കാസര്കോട് മെഡിക്കല് കോളേജില് കോവിഡ് ആശുപത്രി പ്രവർത്തന സജ്ജമായി
Apr 5, 2020, 22:03 IST
കാസർകോട് : ജില്ലയിൽ കൊറോണ പ്രതിരോധ പ്രവര്ത്തനങ്ങള് ഊര്ജിതമാക്കുന്നതിന്റെ ഭാഗമായി ഉക്കിനടുക്കയിലെ കാസര്കോട് മെഡിക്കല് കോളേജില് കോവിഡ് ആശുപത്രി യുദ്ധകാലാടിസ്ഥാനത്തിൽ പ്രവര്ത്തന സജ്ജമാക്കിയെന്ന് ആരോഗ്യ മന്ത്രി കെ കെ ശൈലജ ടീച്ചർ അറിയിച്ചു . ആശുപത്രിയിൽ നാളെ മുതല് കോവിഡ്-19 രോഗ ബാധിതരെ പ്രവേശിപ്പിച്ചു തുടങ്ങുമെന്നും മന്ത്രി കൂട്ടിച്ചേർത്തു. ബഹു. മുഖ്യമന്ത്രിയുടെ നിര്ദേശ പ്രകാരം നാലു ദിവസം കൊണ്ടാണ് മെഡിക്കല് കോളേജിനെ അതിനൂതന കോവിഡ് ചികിത്സാ കേന്ദ്രമായി യുദ്ധകാലാടിസ്ഥാനത്തില് തയ്യാറാക്കിയത്.