ബ്ലാസ്റ്റേഴ്സിന് ജയം അനിവാര്യം; കൊൽക്കത്തക്കെതിരെ പോരാട്ടം ഇന്ന്
കൊൽക്കത്ത: ഇന്ത്യൻ സൂപ്പർ ലീഗ് നാലാം സീസണിലെ േപ്ല ഒാഫ് നിർണയം അവസാന ഘട്ടത്തിലേക്ക് നീങ്ങവെ കേരള ബ്ലാസ്റ്റേഴ്സ് ഇന്ന് കൊല്‍ക്കത്തയെ നേരിടുമ്പോള്‍ ജയം അനിവാര്യം. ശേഷിക്കുന്ന എല്ലാ കളിയും ജയിക്കുകയെന്നതാണ് മഞ്ഞപ്പടയുടെ കിരീട സ്വപനങ്ങള്‍ക്കുള്ള ഏക മാര്‍ഗ്ഗം.
പരിക്കും സസ്പെൻഷനും അലട്ടുന്ന ടീം ലൈനപ്പും, തുടർച്ചയായ മത്സരങ്ങളുടെ ക്ഷീണവും, പോയൻറ് പട്ടികയിൽ ആറാം സ്ഥാനത്താണെന്ന സമ്മർദവുമെല്ലാം ഉറക്കം കെടുത്തുേമ്പാഴും കോച്ച് ഡേവിഡ് ജെയിംസ് കളിക്കാർക്ക് ഒറ്റവാക്കിൽ മുന്നറിയിപ്പ് നൽകുന്നു -‘ഒരു സംശയവും വേണ്ട, ഇനിയുള്ള നാല് കളിയിൽ ജയത്തിൽ കുറഞ്ഞൊന്നും പരിഹാരമില്ല’.14 കളിയിൽ അഞ്ച് ജയവും അഞ്ച് സമനിലയും നാല് തോൽവിയുമായി 20 പോയൻറുള്ള കേരളം ആറാം സ്ഥാനത്താണിപ്പോൾ. ഇനി എല്ലാം ജയിച്ചാൽ പരമാവധി 32 പോയൻറ്. നിലവിൽ ഒന്നാം സ്ഥാനത്തുള്ള ബംഗളൂരു എഫ്.സി നാല് കളി ബാക്കിനിൽക്കെ തന്നെ 30 പോയൻറുമായി ഏറെ മുന്നിലെത്തി കഴിഞ്ഞു. അതുകൊണ്ടുതന്നെ ബ്ലാസ്റ്റേഴ്സിന് ജയം മാത്രം പോര, മുൻനിരയിലുള്ള ചെന്നൈയിൻ, പുണെ, ജംഷഡ്പുർ, ഗോവ ടീമുകൾ ആവശ്യംപോലെ തോൽക്കുകയും വേണം.
പരിക്കേറ്റ് കൊൽക്കത്ത പ്രതീക്ഷയറ്റവരും, പ്രതീക്ഷയുടെ പച്ചപ്പ് അവശേഷിക്കുന്നവരും തമ്മിലാണ് പോരാട്ടം. രണ്ടു തവണ ചാമ്പ്യന്മാരായ എ.ടി.കെ കോച്ചിനെ മാറ്റിയിട്ടും വിജയവഴിയിൽ തിരിച്ചെത്താനാവാത്ത നിരാശയിലാണ് കൊൽക്കത്ത ഇറങ്ങുന്നത്. 13 കളിയിൽ 12 പോയൻറുമായി എട്ടാം സ്ഥാനത്താണ് ചാമ്പ്യന്മാർ