കനേഡിയൻ ശതകോടീശ്വര ദമ്പതികൾ കൊല്ലപ്പെട്ട നിലയിൽ
കനേഡിയൻ ശതകോടീശ്വര ദമ്പതികളെ ടൊറാന്റോയിലെ വീട്ടിൽ കൊല്ലപ്പെട്ട നിലയിൽ കണ്ടെത്തി. ബാരി (75), ഹണി ഷെർമാൻ (70) എന്നിവരുടെ മൃതദേഹമാണ് കണ്ടെത്തിയത്.
കഴിഞ്ഞ ഡിസംബർ 15 ന് ആയിരുന്നു സംഭവം. എന്നാൽ വെള്ളിയാഴ്ചയാണ് പോലീസ് ഇക്കാര്യം പറയുന്നത്. ഡിസംബർ 13 ന് ആണ് ഇവരെ അവസാനമായി കണ്ടത്. ഇതിനു ശേഷം കുടുംബവുമായിപോലും ഇവർ ബന്ധപ്പെട്ടിട്ടില്ല. പോലീസിന്റെ പരിശോധനയിൽ വീട്ടിൽ അതിക്രമിച്ചു കടന്നതിന്റെ സൂചനയൊന്നും ലഭിച്ചിട്ടില്ല. നീന്തൽ കുളത്തിനു സമീപം കസേരയിൽനിന്നും ബെൽറ്റിൽ തൂങ്ങിമരിച്ച നിലയിലായിരുന്നു മൃതദേഹങ്ങൾ. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.