ബിബിസിയിലെ പുരുഷജീവനക്കാർ ശമ്പളം കുറയ്ക്കുന്നു
Jan 27, 2018, 09:41 IST
ലണ്ടൻ: ഒരേ തസ്തികയിൽ വനിതാ ജീവനക്കാർക്ക് കുറഞ്ഞ ശമ്പളം നൽകുന്നതിൽ പ്രതിഷേധിച്ചു ബിബിസിയുടെ ചൈന എഡിറ്റർ രാജിവച്ചതിനെ തുടർന്ന് പുരുഷജീവനക്കാർ സ്വമേധയാ ശമ്പളം കുറയ്ക്കുന്നു. ബിബിസിയിലെ മുതിർന്ന മാധ്യമപ്രവർത്തകരായ ഹ്യു എഡ്വാർഡ്സ്, നിക്കി കാമ്പൽ, ജോൺ ഹംഫ്രിസ്, ജോൺ സോപൽ, നിക് റോബിൻസൺ, ജെർമി വിനെ എന്നിവരാണ് ശമ്പളം കുറയ്ക്കുന്നതിനു തയാറായത്. ബിബിസിയുടെ ചൈന എഡിറ്റർ കാരി ഗ്രേസിയുടെ രാജിയാണ് പുതിയ വിവാദത്തിനു തുടക്കമിട്ടത്. ഈ പ്രശ്നം പരിഹരിക്കണം, താൻ തന്റെ വനിതാ സഹപ്രവർത്തകർക്ക് പിന്തുണ നൽകുന്നതായും ജെർമി വിനെ പറഞ്ഞു.