കുവൈറ്റിൽ പൊതുമാപ്പ് പ്രഖ്യാപിച്ചു; ഫെബ്രുവരി 22നുശേഷം കടുത്ത ശിക്ഷ
Jan 23, 2018, 21:22 IST
കുവൈറ്റ് സിറ്റി: കുവൈറ്റിൽ പൊതുമാപ്പ് പ്രഖ്യാപിച്ചു. ഇതനുസരിച്ച് ജനുവരി 29 മുതൽ ഫെബ്രുവരി 22 വരെയുള്ള സമയത്ത് രാജ്യത്തെ അനധികൃത കുടിയേറ്റക്കാർക്ക് പിഴയോ ശിക്ഷയോ കൂടാതെ രാജ്യം വിടാം.
രാജ്യത്ത് തുടരാൻ ആഗ്രഹിക്കുന്നവർക്ക് പിഴയടച്ച് രേഖകൾ ശരിയാക്കാൻ അവസരം കൂടി ഒരുക്കിയാണ് ആഭ്യന്തര മന്ത്രി ഷെയ്ഖ് ഖാലിദ് അൽ ജറാഹ് ഉത്തരവ് ഒപ്പുവച്ചത്. ഫെബ്രുവരി 22നുശേഷവും നിയമപരമല്ലാതെ രാജ്യത്ത് തുടരുന്നവർക്ക് കടുത്ത പിഴയും ശിക്ഷയുമുണ്ടാവുമെന്ന് ആഭ്യന്തര മന്ത്രാലയം അറിയിച്ചു.