‘ഉല്ലാസം’ ചിത്രത്തിന്റെ ഫസ്റ്റ്ലുക്ക് പോസ്റ്റര് പുറത്ത്
Feb 8, 2020, 10:55 IST
ഷെയ്ന് നിഗത്തെ നായകനാക്കി നവാഗതനായ ജീവന് ജോജോ സംവിധാനം ചെയ്യുന്ന ചിത്രമാണ് ‘ഉല്ലാസം’. ചിത്രത്തിന്റെ ഫസ്റ്റ്ലുക്ക് പോസ്റ്റര് പുറത്തുവിട്ടു. മോഹന്ലാലിന്റെ ഫെയ്സ്ബുക്ക് പേജിലൂടെയാണ് പോസ്റ്റര് റിലീസ് ചെയ്തിരിക്കുന്നത്. സിനിമ ഊട്ടിയിലാണ് ചിത്രീകരിച്ചിരിക്കുന്നത്. പവിത്ര ലക്ഷ്മിയാണ് ചിത്രത്തിലെ നായിക. അജു വര്ഗീസ്, ദീപക് പറമ്പോല്, ബേസില് ജോസഫ്, ലിഷോയ് തുടങ്ങിയവരും ചിത്രത്തില് അണിനിരക്കുന്നു.
പ്രവീണ് ബാലകൃഷ്ണന് തിരക്കഥ ഒരുക്കുന്ന ചിത്രത്തിന്റെ ഛായാഗ്രഹണം നിര്വ്വഹിക്കുന്നത് സ്വരൂപ് ഫിലിപ്പ് ആണ്. കൈതമറ്റം ബ്രദേഴ്സിന്റെ ബാനറില് ജോ കൈതമറ്റം, ക്രിസ്റ്റി കൈതമറ്റം എന്നിവര് ചേര്ന്നാണ് നിര്മാണം. സംഗീതം ഷാന് റഹ്മാന്.