സൗദിയില് പെട്രോള് വില വർധിപ്പിച്ചു
Jan 2, 2018, 10:04 IST
റിയാദ്: സൗദിയില് പെട്രോള് വില കുത്തനെ കൂട്ടി. ഒക്ടാൻ 91 വിഭാഗത്തിലുള്ള പെട്രോളിന് 1.37 റിയാലായാണ് വർധിപ്പിച്ചത്. ഒക്ടാൻ 95 ന്റെ വില ലിറ്ററിന് 2.04 റിയാലാക്കി. അഞ്ച് ശതമാനം വാറ്റ് ബാധകമായതും സബ്സിഡി എടുത്തു കളഞ്ഞതുമാണ് വില കൂടാന് കാരണം.
ഊര്ജ്ജ വില വര്ധനവ് നടപ്പാക്കാന് ഡിസംബര് 12ന് ചേര്ന്ന മന്ത്രിസഭ യോഗം തീരുമാനിച്ചിരുന്നു. ഇതിന്റെ അടിസ്ഥാനത്തിലാണ് വിലവർധന. ഒക്ടാൻ 91ഇനത്തിലുള്ള പെട്രോളിന് 83 ശതമാനവും ഒക്ടാൻ 95 ഇനത്തിലുള്ളതിന് 127 ശതമാനവുമാണ് വില വര്ധന നിരക്ക്. വൈദ്യുതി നിരക്ക് വർധനവും പുതുവര്ഷത്തില് പ്രാബല്യത്തിലായി.