നെയ്യാറിൽ യുവാവ് മുങ്ങി മരിച്ചു
Dec 26, 2017, 12:00 IST
കാട്ടാക്കട: സുഹൃത്തുക്കൾക്കൊപ്പം നെയ്യാറിൽ കുളിക്കുന്നതിനിടെ യുവാവ് മുങ്ങി മരിച്ചു. കാട്ടാക്കട കിള്ളി പുതുവയ്ക്കൽ മകം വീട്ടിൽ സുജിത്താ(40)ണ് മരിച്ചത്. നെയ്യാറിലെ അമ്പലത്തിൻകാല കുളവിയോട് താഴാംതോട്ടം കടവിൽ കുളിക്കുന്നതിനിടെയായിരുന്നു അപകടം.
വിവരമറിഞ്ഞു കാട്ടാക്കട പോലീസും അഗ്നിരക്ഷാസേനയും എത്തുമ്പോഴേക്കും നാട്ടുകാർ മൃതദേഹം കരയ്ക്കെടുത്തിരുന്നു.