സിറിയൻ അഭയാർഥികള്ക്ക് നേരെ ചാവേർ ആക്രമണം; 26 പേർ കൊല്ലപ്പെട്ടു
Nov 18, 2017, 10:01 IST
ദേർ അൽ സോർ: സിറിയയിൽ ആഭ്യന്തരയുദ്ധത്തിനിടെ അഭയാർഥികളാക്കപ്പെട്ടവർക്കു നേർക്കുണ്ടായ ചാവേർ ബോംബ് ആക്രമണത്തിൽ 26 പേർ കൊല്ലപ്പെട്ടു. ദേർ അൽ സോർ നഗരത്തിലായിരുന്നു സ്ഫോടനം. മരിച്ചവരിൽ 12 പേർ കുട്ടികളാണ്. സ്ഫോടനത്തിൽ നിരവധി പേർക്കു പരിക്കേറ്റു. ഇവരിൽ ചിലരുടെ നില അതീവ ഗുരുതരമായതിനാൽ മരണസംഖ്യ ഉയരാൻ സാധ്യതയുണ്ടെന്നു നിരീക്ഷണ സംഘടന അറിയിച്ചു.
ഈ മാസം മൂന്നിന് ദേർ അൽ സോർ നഗരത്തെ ഐഎസ് ഭീകര സംഘടനയുടെ പിടിയിൽനിന്നു മോചിപ്പിച്ചതായി സൈന്യം അവകാശപ്പെട്ടിരുന്നു.