മകന് അമ്മയെ തലയ്ക്കടിച്ചു കൊലപ്പെടുത്തി
ബർലിംഗ്ടണ്: അമ്മയെ ഗിറ്റാറിനു തലയ്ക്കടിച്ചു കൊലപ്പെടുത്തിയ യുവാവ് അറസ്റ്റിൽ. യുഎസിലെ ബർലിംഗ്ടണിലാണു സംഭവം. ഇരുപത്തൊന്പതുകാരനായ ഗാരറ്റ് എസ്.സെൽറ്റേഴ്സ് അമ്മയായ ലിൻഡ സെൽറ്റേഴ്സിനെ തന്റെ വൈദ്യുത ഗിറ്റാർ ഉപയോഗിച്ചു തലയ്ക്കടിച്ചു കൊലപ്പെടുത്തുകയായിരുന്നെന്നു ഹോക്ക് ഐ പത്രം റിപ്പോർട്ട് ചെയ്യുന്നു.
ചൊവ്വാഴ്ച പുലർച്ചെ ലിൻഡയാണ് സഹായം അഭ്യർഥിച്ചു പോലീസിനു ഫോണ് ചെയ്തത്. പോലീസ് സംഘം വീട്ടിലെത്തുന്പോൾ ഗാരറ്റ് വീടിനു മുന്പിൽതന്നെയുണ്ടായിരുന്നു. താൻ അമ്മയെ കൊലപ്പെടുത്തിയെന്ന് ഇയാൾ പോലീസിനോടു പറഞ്ഞു. ലിൻഡയുടെ തലയ്ക്കു പിന്നിലാണ് അടിയേറ്റത്. ജീവനുണ്ടെന്നു കണ്ടെത്തിയതിനെ തുടർന്ന് ലിൻഡയെ ഉടൻ ആശുപത്രിയിലെത്തിച്ചെങ്കിലും ചൊവ്വാഴ്ച രാത്രി അയോവ സിറ്റി ആശുപത്രിയിൽ മരിച്ചു.