ശബരീനാഥൻ എംഎൽഎയുടെ വാഹനത്തിനു നേരെ ആക്രമണം
Oct 13, 2017, 09:20 IST
വിതുര: അരുവിക്കര എംഎൽഎ കെ.എസ്. ശബരീനാഥന്റെ വാഹനത്തിനു നേരെ ആക്രമണം. വ്യാഴാഴ്ച ഉച്ചകഴിഞ്ഞ് രണ്ടോടെ വിതുര കെപിഎസ്എം ജംഗ്ഷനിലായിരുന്നു സംഭവം. വാഹനം ആക്രമിച്ച യുവാവിനെ വിതുര പോലീസ് അറസ്റ്റ് ചെയ്തു. പെരിങ്ങമ്മല മീരാൻവെട്ടികരിക്കകം സ്വദേശി സിദ്ദിക്കാണ് പിടിയിലായത്. വിതുരയിൽ വിവിധ പരിപാടികളിൽ പങ്കെടുത്ത ശേഷം കെപിഎസ്എം ജംഗ്ഷനിലെ ഹോട്ടലിൽ ഭക്ഷണം കഴിക്കാൻ കയറിയതാണ് എംഎൽഎ. റോഡരുകിൽ ഒതുക്കിയിട്ടിരിക്കുകയായിരുന്ന ഇന്നോവ കാറാണ് ആക്രമിക്കപ്പെട്ടത്.