ത്വയ്കാണ്ടോ അഭ്യാസപ്രകടനത്തിനൊരുങ്ങി വിദ്യാർത്ഥിനികൾ
Nov 22, 2019, 20:19 IST
ത്വയ്കാണ്ടോ അഭ്യാസ പ്രകടനം കാഴ്ച വെക്കാൻ ഒരുങ്ങുകയാണ് മുളംങ്കുന്നത്തുകാവ് ഗ്രാമ പഞ്ചായത്തിലെ 13 വിദ്യാർത്ഥിനികൾ. ഇന്ന് (നവംബർ 23) ടൗൺഹാളിലെ ബാല സൗഹൃദ ജില്ലാ വെബ് പോർട്ടൽ ഉദ്ഘാടന വേദിയിലാണ് ഈ മിടുക്കികൾ അഭ്യാസ പ്രകടനം കാഴ്ചവെക്കുക. പൂമല എൽ എഫ് സ്കൂളിലെ അൽ ന മറിയ, സഹോദരിമാരായ ആര്യ പി സുരേഷ്, ഭദ്ര പി സുരേഷ്, അലീന ബിനു, തിരൂർ സെന്റ് തോമസ് സ്കൂളിലെ ശ്രീക്കുട്ടി എ എസ്, നന്ദകൃഷ്ണ, അനന്തഭദ്ര, നിവ്യ, സൂര്യ, മുളംകുന്നത്തുകാവ് കലാസമിതി സ്കൂളിലെ ജോമോൾ, ആരാധ്യ, തൃശൂർ ഹോളി ഫാമിലി സ്കൂളിലെ ഐശ്വര്യ കെ ആർ, ആതിര കെ ആർ എന്നീ വിദ്യാർത്ഥിനികളാണ് കായിക പ്രദർശനത്തിനൊരുങ്ങുന്നത്. ജില്ലാ സ്പോർട്സ് കൗൺസിൽ ത്വയ്കാണ്ടോ ട്രെയിനർ ബഷീറാണ് ഇവർക്കു പരിശീലനം നൽകുന്നത്.