മാവേലിക്കരയിൽ ബുള്ളറ്റ് ബൈക്കുകള്‍ കൂട്ടിയിടിച്ച്‌ തീപിടിത്തം; നടൻ അടക്കം രണ്ടുപേർക്ക് പരിക്ക്
മാവേലിക്കര: മാവേലിക്കരയിൽ ബുള്ളറ്റ് ബൈക്കുകള്‍ കൂട്ടിയിടിച്ച്‌ തീപിടിത്തമുണ്ടായി .തുടർന്ന് അപകടത്തില്‍ യുവാക്കള്‍ക്ക് ഗുരുതര പരിക്ക്. പുന്നമ്മൂട് ളാഹ ജംഗ്ഷന് വ്യാഴാഴ്ച രാത്രി 10നാണു അപകടം ഉണ്ടായത് . പുന്നമ്മൂട് ക്ലാരക്കുഴിയില്‍ അനില്‍(43), സിനിമ, സീരിയല്‍, നാടക നടനായ ഈരേഴതെക്ക് കോട്ടയുടെ കിഴക്കതില്‍ പ്രേം വിനായക്(28) എന്നിവര്‍ക്കാണ് അപകടത്തില്‍ പരിക്കേറ്റത്. വിനായകന്റെ കൂടെയുണ്ടായിരുന്ന ഈരേഴതെക്ക് മുണ്ടോലില്‍ വീട്ടില്‍ ശിവശങ്കറിനും അപകടത്തില്‍ പരിക്കേറ്റു.
ജംഗ്ഷനിലെ പച്ചക്കറി കടയില്‍ നിന്ന് സാധനം വാങ്ങി റോഡിലേക്ക് കയറിയ വിനയാകിന്റെ ബൈക്കിലേക്ക് പുന്നമ്മൂട് ഭാഗത്തേക്ക് വന്ന അനിലിന്റെ ബൈക്ക് ഇടിക്കുകയായിരുന്നു ഉണ്ടായത്. റോഡിലൂടെ നിരങ്ങി മുന്നോട്ടു നീങ്ങിയ ബൈക്കിന്റെ പെട്രോള്‍ ചോര്‍ന്നാണ് തീപ്പിടുത്തം ഉണ്ടായത്. ബൈക്കിന്റെ അടിയില്‍ പെട്ടുപോയ അനിലിനെ നാട്ടുകാര്‍ ഉടന്‍ തന്നെ പുറത്തെടുക്കുകയായിരുന്നു ഉണ്ടായത്. തലയ്ക്കു പരിക്കേറ്റ ഇയാളെ ആംബുലന്‍സില്‍ ജില്ലാ ആശുപത്രിയില്‍ എത്തിച്ചു. അപകടത്തില്‍ പരിക്കേറ്റ വിനയാകിനെ തിരുവല്ലയിലെ സ്വകാര്യ ആശുപത്രിയിലും പ്രവേശിപ്പിച്ചു.