70 വയസ്സുകാരിയുടെ മരണത്തിൽ ആശുപത്രി അധികൃതരുടെ അനാസ്ഥയെന്നാരോപിച്ച് മൃതദേഹവുമായി പ്രതിഷേധിച്ച് ബന്ധുക്കൾ
May 16, 2024, 13:36 IST
ആലപ്പുഴ: ആശുപത്രി അധികൃതരുടെ അനാസ്ഥയാണ് 70 വയസ്സുകാരിയുടെ മരണത്തിന് കാരണമെന്ന് പറഞ്ഞ് ആലപ്പുഴ മെഡിക്കൽ കോളേജിൽ മൃതദേഹവുമായി പ്രതിഷേധിച്ച് ബന്ധുക്കൾ. ബന്ധുക്കളും നാട്ടുകാരും ചേർന്ന് പ്രതിഷേധിച്ചത് രാത്രി 12 മണിയോടെ അത്യാഹിത വിഭാഗത്തിന് മുന്നിൽ മൃതദേഹം എടുത്തു വെച്ചാണ്. ആശുപത്രിയുടെ അനാസ്ഥ മൂലമാണ് പുന്നപ്ര സ്വദേശി 70 വയസ്സുകാരി ഉമൈബ മരിച്ചത് എന്നായിരുന്നു ആരോപണം. ഇവരെ വണ്ടാനം മെഡിക്കൽ കോളേജിൽ പ്രവേശിപ്പിക്കുന്നത് 25 ദിവസങ്ങൾക്കു മുൻപാണ്. അസുഖം മൂർച്ഛിച്ചതിനെത്തുടർന്ന് ചൊവ്വാഴ്ച രാത്രി കോട്ടയം മെഡിക്കൽ കോളേജിലേക്ക് മാറ്റിയ ഉമൈബ ഇന്നലെ വൈകിട്ടോടെ മരണപ്പെട്ടു.