സി പി എമ്മിന് രാമങ്കരി പഞ്ചായത്തില്‍ ഭരണം നഷ്ടമായി: കോണ്‍ഗ്രസിന്‍റെ അവിശ്വാസ പ്രമേയം പാസായി
May 14, 2024, 14:19 IST
ആലപ്പുഴ: കോണ്‍ഗ്രസ് കൊണ്ടുവന്ന അവിശ്വാസ പ്രമേയം പാസായതോടെ ആലപ്പുഴ രാമങ്കരി പഞ്ചായത്തില്‍ സി പി എമ്മിന് ഭരണം നഷ്ടമായി. അവിശ്വാസം പാസായത് അഞ്ചിനെതിരെ എട്ടു വോട്ടുകള്‍ക്കാണ്. പ്രമേയത്തിൽ മൂന്ന് സി പി എം അംഗങ്ങളും ഒപ്പുവെച്ചിട്ടുണ്ടായിരുന്നു. സി പി എമ്മാണ് കഴിഞ്ഞ 25 വര്‍ഷമായി രാമങ്കരിയില്‍ ഭരണം നടത്തിയിരുന്നത്. സി പി എമ്മിന് ഒമ്പതും യു ഡി എഫിന് നാലും അംഗങ്ങളാണ് 13 അംഗ പഞ്ചായത്തില്‍ ഉള്ളത്. ഇതിൽ അവിശ്വാസ പ്രമേയത്തെ അനുകൂലിച്ചത് എട്ടുപേരാണ്. ഇതോടെ, പ്രസിഡന്‍റ് രാജേന്ദ്രകുമാർ സി പി എം വിടുകയും പാർട്ടിയുമായി ഉള്ള എല്ലാ ബന്ധവും ഉപേക്ഷിച്ചെന്ന് പറയുകയും ചെയ്തു.