കൊച്ചി: ലോക മുലയൂട്ടൽ വാരത്തോടനുബന്ധിച്ച് (ഓഗസ്റ്റ് 1–7) ആസ്റ്റർ മെഡ്സിറ്റിയിലെ ‘സെന്റർ ഓഫ് എക്സലൻസ് ഇൻ പീഡിയാട്രിക്സ് ആൻഡ് നിയോനാറ്റോളജി’യുടെ നേതൃത്വത്തിൽ വൈവിധ്യമാർന്ന പരിപാടികളോടെ വാരാഘോഷത്തിന് തുടക്കമായി (World Breastfeeding Week Aster Medcity Kochi). ആസ്റ്റർ മെഡ്സിറ്റിയിലെ നോളജ് ഹബ്ബിൽ നടന്ന ചടങ്ങ് എറണാകുളം ജില്ലാ കളക്ടർ ജി. പ്രിയങ്ക ഐ.എ.എസ് ഉദ്ഘാടനം ചെയ്തു. അമ്മമാരുടെയും കുഞ്ഞുങ്ങളുടെയും ആരോഗ്യസംരക്ഷണത്തിനായി നടപ്പിലാക്കുന്ന ‘മദർ & ബേബി ഫ്രണ്ട്ലി ഹോസ്പിറ്റൽ ഇനിഷ്യേറ്റീവിൻ്റെ’ ഭാഗമായാണ് പരിപാടി സംഘടിപ്പിച്ചത്. വാരാഘോഷത്തിന്റെ ഭാഗമായി നടന്ന വിവിധ മത്സരങ്ങളിലെ വിജയികൾക്കുള്ള സമ്മാനദാനവും കളക്ടർ നിർവ്വഹിച്ചു.
കേവലം ബോധവൽക്കരണത്തിൽ ഒതുങ്ങാതെ അമ്മമാർക്കും കുഞ്ഞുങ്ങൾക്കുമായി സാംസ്കാരികവും വിനോദപരവുമായ പ്രത്യേക പരിപാടികളും സംഘടിപ്പിച്ചിരുന്നു. അമ്മമാർക്കായി ഒരുക്കിയ റാമ്പ് വോക്ക്, രക്ഷിതാക്കളുടെയും ആസ്റ്റർ ജീവനക്കാരുടെയും കലാപരിപാടികൾ എന്നിവ ആഘോഷങ്ങൾക്ക് മാറ്റുകൂട്ടി. ഇതിനുപുറമെ, അമ്മമാർ തങ്ങളുടെ അനുഭവങ്ങൾ പങ്കുവെക്കുകയും അവർക്കായി പ്രത്യേക ഉപഹാരങ്ങൾ വിതരണം ചെയ്യുകയും ചെയ്തു. കുഞ്ഞുങ്ങൾക്ക് സുസ്ഥിരവും ആരോഗ്യകരവുമായ ഭാവി ഉറപ്പാക്കാൻ മുലയൂട്ടലിന്റെ പ്രാധാന്യത്തെക്കുറിച്ച് സമൂഹത്തിൽ കൂടുതൽ അവബോധം സൃഷ്ടിക്കുകയാണ് ഈ വാരാഘോഷത്തിലൂടെ ആസ്റ്റർ മെഡ്സിറ്റി ലക്ഷ്യമിടുന്നത്.
ആസ്റ്റർ മെഡ്സിറ്റി സി.ഇ.ഒ ഡോ. നളന്ദ ജയദേവ്, സി.ഒ.ഒ ഡോ. ഷുഹൈബ് കാദർ, ഡോ. ജോർജ്ജ് ജോസ്, ഡോ. ജീസൺ ഉണ്ണി, ഡോ. ഷേർളി മാത്തൻ, ചീഫ് നഴ്സിംഗ് ഓഫീസർ തുടങ്ങിയവർ ചടങ്ങിൽ സംസാരിച്ചു.
Story Summary:
Ernakulam District Collector G. Priyanka IAS inaugurated the World Breastfeeding Week celebrations at Aster Medcity, organized by the Centre of Excellence in Pediatrics and Neonatology. As part of the ‘Mother & Baby Friendly Hospital Initiative’, the event featured awareness programs, cultural performances, a ramp walk for mothers, and prize distributions.
