സാവോ പോളോ: ബ്രസീൽ ദേശീയ ടീമിനായി ഏറ്റവും കൂടുതൽ ഗോളുകൾ നേടിയ സൂപ്പർ താരം നെയ്മർ അന്താരാഷ്ട്ര ഫുട്ബോളിൽ നിന്ന് വിരമിക്കൽ പ്രഖ്യാപിച്ചു. 16 വർഷത്തിലേറെ നീണ്ടുനിന്ന തിളക്കമാർന്ന കരിയറിനാണ് 34-കാരനായ താരം ഇതോടെ തിരശ്ശീലയിട്ടത്.(Neymar confirms Retirement From International Football Brazil All Time Top Scorer Santos)
കോപ്പ സുഡാമേരിക്കാനയിൽ സന്റോസിന്റെ മത്സരത്തിന് ശേഷമാണ് തന്റെ വിരമിക്കൽ തീരുമാനം നെയ്മർ ഔദ്യോഗികമായി സ്ഥിരീകരിച്ചത്. 2026 ലോകകപ്പിലെ പ്രീ-ക്വാർട്ടറിൽ നോർവേയോട് തോറ്റ് ബ്രസീൽ പുറത്തായ മത്സരമായിരുന്നു നെയ്മറുടെ അവസാന അന്താരാഷ്ട്ര മത്സരം.
ദേശീയ ടീമിലെ തന്റെ അധ്യായം അവസാനിപ്പിക്കുകയാണെന്നും എന്നാൽ രാജ്യത്തിനായി കളിച്ചതിൽ യാതൊരു ഖേദവുമില്ലെന്നും നെയ്മർ പറഞ്ഞു. “ദേശീയ ടീമിനൊപ്പമുള്ള എന്റെ സമയം കഴിഞ്ഞു. ഞാൻ അവിടെ ചരിത്രമുണ്ടാക്കി, വളരെ സന്തോഷവാനായിരുന്നു. ബ്രസീലിന്റെ മഞ്ഞക്കുപ്പായത്തിനായി എന്റെ രക്തവും ജീവനും നൽകി എപ്പോഴും പോരാടി,” നെയ്മർ വ്യക്തമാക്കി. ബ്രസീലിനായി ഏറ്റവും കൂടുതൽ ഗോളുകൾ നേടിയ നെയ്മർ നിരവധി നേട്ടങ്ങൾ രാജ്യത്തിന് സമ്മാനിച്ചിട്ടുണ്ട്. നിലവിൽ ക്ലബ്ബ് ഫുട്ബോളിൽ സന്റോസിന് വേണ്ടിയാണ് താരം പന്ത് തട്ടുന്നത്.
Story Summary
Brazil’s all-time top scorer Neymar has officially announced his retirement from international football at the age of 34, concluding a 16-year career with the national team following Brazil’s exit from the 2026 World Cup. Speaking after Santos’ 4-2 Copa Sudamericana win, Neymar stated he gave his “blood and life” for the yellow jersey and leaves with no regrets.
