തിരുവനന്തപുരം: കൊറിയർ സർവീസ് താൽക്കാലികമായി നിർത്തിവെച്ച് കെ.എസ്.ആർ.ടി.സി. സർവീസിന്റെ നടത്തിപ്പ് ചുമതലയുണ്ടായിരുന്ന സ്വകാര്യ ഏജൻസിയോട് സേവനം അവസാനിപ്പിക്കാൻ നിർദ്ദേശിച്ച് നോട്ടീസ് നൽകി. ആന്ധ്രാപ്രദേശ് അധിഷ്ഠിതമായ ‘സിംഗു സൊല്യൂഷൻസ്’ എന്ന കമ്പനിക്കായിരുന്നു കെ.എസ്.ആർ.ടി.സി കൊറിയർ സർവീസിന്റെ കരാർ നൽകിയിരുന്നത്.(KSRTC Courier Service Suspended Singu Solutions Contract Terminated New Tender)
നിലവിൽ പുതിയ കൊറിയറുകൾ ബുക്ക് ചെയ്യുന്നത് പൂർണ്ണമായും നിർത്തിവെച്ചിട്ടുണ്ട്. ആദ്യ ഘട്ടത്തിൽ കെ.എസ്.ആർ.ടി.സി നേരിട്ടായിരുന്നു കൊറിയർ സർവീസ് നടത്തിയിരുന്നത്. ഈ സേവനം കൂടുതൽ പ്രൊഫഷണലാക്കാൻ ലക്ഷ്യമിട്ടാണ് സ്വകാര്യ ഏജൻസിക്ക് കൈമാറിയത്.
എന്നാൽ ഇതോടെ സേവനത്തെക്കുറിച്ച് വ്യാപക പരാതികൾ ഉയർന്നു. ഈ സാഹചര്യത്തിലാണ് കരാർ റദ്ദാക്കാൻ അധികൃതർ തീരുമാനിച്ചത്. കൊറിയർ സർവീസ് പുനരാരംഭിക്കുന്നതിനായി പുതിയ ടെൻഡർ ക്ഷണിക്കാനുള്ള ഒരുക്കത്തിലാണ് കെ.എസ്.ആർ.ടി.സി.
Story Summary
KSRTC has temporarily suspended its courier service and served a notice to private agency to terminate their contract following widespread complaints about poor service. The public transport body, which previously earned good revenue managing the service independently, plans to invite new tenders to resume courier operations.
