ന്യൂഡൽഹി: പരീക്ഷാ ക്രമക്കേടുകളും ചോദ്യപേപ്പർ ചോർച്ചയും തടയുന്നതിനായി കേന്ദ്ര സർക്കാർ കൊണ്ടുവന്ന പൊതുപരീക്ഷാ ഭേദഗതി ബിൽ വിദ്യാർത്ഥികളുടെയും യുവാക്കളുടെയും ക്ഷേമം ഉറപ്പാക്കുന്നതിൽ സർക്കാരിനുള്ള ഉറച്ച പ്രതിജ്ഞാബദ്ധതയുടെ തെളിവാണെന്ന് കേന്ദ്രമന്ത്രി ഡോ. ജിതേന്ദ്ര സിംഗ്. സ്വതന്ത്ര ഇന്ത്യയുടെ ചരിത്രത്തിൽ തന്നെ ഇത്തരമൊരു നിയമം ആദ്യമായാണെന്നും, ഭാരതാംബയുടെ മക്കളുടെ ഭാവികൊണ്ട് ആരെയും കളിക്കാൻ അനുവദിക്കില്ലെന്ന പ്രധാനമന്ത്രി നരേന്ദ്ര മോദിയുടെ തീരുമാനത്തിന്റെ പ്രഖ്യാപനമാണിതെന്നും അദ്ദേഹം ലോക്സഭയിൽ പറഞ്ഞു.(Jitendra Singh Speaks On Public Examinations Amendment Bill In Lok Sabha)
2024-ൽ കേന്ദ്ര സർക്കാർ പാസാക്കിയ പൊതുപരീക്ഷാ നിയമത്തിൽ കൂടുതൽ കർശനമായ വ്യവസ്ഥകളും കടുത്ത ശിക്ഷകളും ഉൾപ്പെടുത്തിയാണ് പുതിയ ഭേദഗതി ബിൽ സമർപ്പിച്ചിരിക്കുന്നത്. ഇന്ത്യൻ പാർലമെന്റിന്റെ ചരിത്രത്തിൽ തന്നെ ഇതൊരു നാഴികക്കല്ലായ നിയമനിർമ്മാണമാണെന്ന് വിശേഷിപ്പിക്കാൻ സാധിക്കുമെന്നും മന്ത്രി കൂട്ടിച്ചേർത്തു.
പരീക്ഷാർത്ഥികളുടെ താൽപ്പര്യങ്ങൾ സംരക്ഷിക്കുന്നതിനും പരീക്ഷാ നടത്തിപ്പിലെ സുതാര്യതയും വിശ്വാസ്യതയും വീണ്ടെടുക്കുന്നതിനുമായി കൊണ്ടുവന്ന ബില്ലിൽ വിശദമായ ചർച്ചയ്ക്ക് തയ്യാറാണെന്ന് സർക്കാർ സഭയെ അറിയിച്ചിട്ടുണ്ട്.
Story Summary
Union Minister Dr. Jitendra Singh stated in the Lok Sabha that the Public Examinations (Prevention of Unfair Means) Amendment Bill reflects PM Narendra Modi’s firm resolve to safeguard the future of students and youth. Describing the bill as a historic milestone in parliamentary history, he emphasized that it introduces stricter legal measures to prevent paper leaks and exam malpractices across the country.
