ന്യൂഡൽഹി: പൊതുപരീക്ഷാ ഭേദഗതി ബില്ലിനെ പിന്തുണച്ച് തൃണമൂൽ കോൺഗ്രസ് (TMC). തൃണമൂൽ കോൺഗ്രസ് ബില്ലിനെയും അതിലെ ഭേദഗതികളെയും പിന്തുണയ്ക്കുന്നതായി ടി.എം.സി എം.പി അഭിഷേക് ബാനർജി ലോക്സഭയെ അറിയിച്ചു. സഭയിൽ പ്രതിപക്ഷ ഭരണപക്ഷ അംഗങ്ങൾ തമ്മിൽ ബഹളം ഉയർന്നതോടെ, മാന്യതയും ക്രമസമാധാനവും പാലിക്കാൻ അനുവദിക്കണമെന്ന് സഹപ്രവർത്തകയായ മഹുവ മൊയ്ത്ര എം.പി ചെയറിനോട് ആവശ്യപ്പെട്ടു.(Abhishek Banerjee says TMC Supports Public Examinations Amendment Bill)
ബില്ലിനെ പിന്തുണയ്ക്കുമ്പോഴും കേന്ദ്ര സർക്കാരിന്റെ പരീക്ഷാ നടത്തിപ്പിലെ പരാജയങ്ങളെ അഭിഷേക് ബാനർജി രൂക്ഷമായി വിമർശിച്ചു. “രാജ്യത്ത് പരീക്ഷാ ചോർച്ചകളും ക്രമക്കേടുകളും തുടരുകയാണെങ്കിൽ, ഇനി എന്ത് ഭേദഗതി നിയമങ്ങൾ കൊണ്ടുവന്നാലും വിദ്യാർത്ഥികൾക്ക് നഷ്ടപ്പെട്ട വിശ്വാസം തിരികെ പിടിക്കാൻ കഴിയില്ല. ഇതാണ് ഇന്ന് രാജ്യത്തിന് മുന്നിലുള്ള പ്രധാന ചോദ്യം. കേന്ദ്രത്തിലെ ബി.ജെ.പി – എൻ.ഡി.എ സർക്കാരിന് വിശ്വസനീയമായി പരീക്ഷ നടത്താനോ വിദ്യാർത്ഥികളുടെ ഭാവി സംരക്ഷിക്കാനോ സാധിച്ചില്ല എന്നതിന്റെ ഏറ്റവും വലിയ തുറന്നുപറച്ചിലാണ് ഈ ബിൽ” – അഭിഷേക് ബാനർജി സഭയിൽ പറഞ്ഞു.
ചോദ്യപേപ്പർ ചോർച്ചയും ക്രമക്കേടുകളും തടയുന്നതിനുള്ള നിയമനിർമ്മാണം സ്വാഗതാർഹമാണെങ്കിലും, മുൻപ് പാസാക്കിയ നിയമങ്ങൾ നടപ്പിലാക്കുന്നതിൽ ഉണ്ടായ വീഴ്ചകളാണ് പരീക്ഷാ സംവിധാനങ്ങളെ പ്രതിസന്ധിയിലാക്കിയതെന്നും അദ്ദേഹം കൂട്ടിച്ചേർത്തു.
Story Summary
TMC MP Abhishek Banerjee extended his party’s support to the Public Examinations Amendment Bill in the Lok Sabha. However, he strongly criticized the ruling NDA government, stating that the necessity of bringing this Bill itself is an admission of the BJP’s failure to conduct secure exams and safeguard the future of students.
