കോഴിക്കോട്: കോഴിക്കോട് റെയിൽവേ സ്റ്റേഷനിൽ തകർന്നുവീണ ക്ലോക്ക് ടവറിന്റെ അപകടാവസ്ഥയിലുള്ള ബാക്കി ഭാഗങ്ങൾ പൊളിച്ചുനീക്കാനുള്ള നടപടികൾ റെയിൽവേ ആരംഭിച്ചു. ഇന്നലെ രാത്രി വടം ഉപയോഗിച്ച് മൂന്ന് തവണയോളം കോൺക്രീറ്റ് അവശിഷ്ടങ്ങൾ വലിച്ച് താഴെയിടാൻ ശ്രമിച്ചെങ്കിലും പരാജയപ്പെട്ടിരുന്നു. ഇതേത്തുടർന്നാണ് കൂടുതൽ സജ്ജീകരണങ്ങളോടെ അവശിഷ്ടങ്ങൾ പൂർണ്ണമായി നീക്കം ചെയ്യാനുള്ള ജോലികൾ തുടങ്ങിയത്.(Kozhikode Railway Station Clock Tower Collapse Debris Removal And Train Delay Updates)
അപകടാവസ്ഥയിലുള്ള കോൺക്രീറ്റ് ഭാഗങ്ങൾ പൂർണ്ണമായും മാറ്റിയതിന് ശേഷം മാത്രമേ രണ്ടും മൂന്നും ട്രാക്കുകളിലൂടെയുള്ള ട്രെയിൻ ഗതാഗതം പുനഃസ്ഥാപിക്കാൻ കഴിയൂ. നിലവിൽ നിയന്ത്രണങ്ങളോടെയാണ് സർവീസുകൾ തുടരുന്നത്. ഷൊർണ്ണൂർ ഭാഗത്തേക്കുള്ള ട്രെയിനുകൾ ഒന്നാം പ്ലാറ്റ്ഫോമിലൂടെയും മംഗലാപുരം ഭാഗത്തേക്കുള്ളവ നാലാം പ്ലാറ്റ്ഫോമിലൂടെയുമാണ് നിലവിൽ കടത്തിവിടുന്നത്.
നിയന്ത്രണങ്ങൾ നിലനിൽക്കുന്നതിനാൽ സർവീസുകൾ വൈകാൻ സാധ്യതയുണ്ടെന്ന് റെയിൽവേ അധികൃതർ അറിയിച്ചു. യാത്രാക്ലേശം പൂർണ്ണമായി പരിഹരിച്ച് ട്രെയിൻ ഗതാഗതം സാധാരണ നിലയിലാക്കും.
Story Summary
The railway authorities have started removing the dangerous remaining parts of the collapsed clock tower at Kozhikode railway station. Train services on tracks two and three have been disrupted, with trains currently being diverted through platforms one and four. A detailed investigation into the incident will be launched once train operations return to normalcy.
