സനാ: യമനിലെ സനാ അന്താരാഷ്ട്ര വിമാനത്താവളത്തിൽ ഇറങ്ങാൻ ശ്രമിച്ച ഇറാനിയൻ സിവിൽ വിമാനത്തെ സൗദി യുദ്ധവിമാനങ്ങൾ തടയാൻ ശ്രമിച്ചതായി ഹൂതി വിമതർ ആരോപിച്ചു. തങ്ങളുടെ സേന സൗദി വിമാനങ്ങളെ പ്രതിരോധിച്ചെന്നും ഹൂതി സൈനിക വക്താവ് യഹ്യ സരിയ പ്രസ്താവനയിൽ അറിയിച്ചു. യമന്റെ വ്യോമാതിർത്തി ലംഘിക്കുന്നത് തുടർന്നാൽ സൗദിയിലെ വിമാനത്താവളങ്ങളെയും പ്രധാനപ്പെട്ട താവളങ്ങളെയും ലക്ഷ്യം വെക്കുമെന്നും ഹൂതികൾ മുന്നറിയിപ്പ് നൽകി.(Houthis Warn Saudi Arabia Over Alleged Interference In Iranian Flights)
ഇറാൻ മുൻ പരമോന്നത നേതാവ് ആയത്തുള്ള അലി ഖമനേയിയുടെ സംസ്കാരച്ചടങ്ങിൽ പങ്കെടുക്കാനായി ഹൂതി പ്രതിനിധി സംഘത്തെയും രോഗികളായ 200-ഓളം യാത്രക്കാരെയും വഹിച്ചുകൊണ്ടുള്ള വിമാനമാണ് സനായിൽ നിന്ന് ടെഹ്റാനിലേക്ക് തിരിച്ചത്. എന്ത് പ്രത്യാഘാതമുണ്ടായാലും സനയ്ക്കും ടെഹ്റാനുമിടയിലുള്ള വിമാന സർവീസുകൾ തുടരുമെന്ന് ഹൂതികൾ വ്യക്തമാക്കി.
2015-ൽ യമൻ തലസ്ഥാനമായ സന ഹൂതികൾ പിടിച്ചെടുത്തതിന് പിന്നാലെയാണ് സൗദി അറേബ്യയുടെ നേതൃത്വത്തിലുള്ള സൈനിക സഖ്യം യമനിൽ ഇടപെട്ടത്. ഹൂതികളുടെ പ്രസ്താവനകൾ യമനിലെ ജനങ്ങൾക്കെതിരെ അവർ നടത്തുന്ന അക്രമങ്ങളിൽ നിന്ന് ശ്രദ്ധ തിരിക്കാനുള്ള ഗൂഢനീക്കമാണെന്ന് സൗദി സഖ്യം തിരിച്ചടിച്ചു. തങ്ങൾക്കെതിരെ ഏതെങ്കിലും തരത്തിലുള്ള ആക്രമണമുണ്ടായാൽ അതിശക്തമായി തിരിച്ചടിക്കുമെന്നും സൗദി അധികൃതർ വ്യക്തമാക്കി.
Story Summary
Tensions between Houthi rebels and the Saudi-led coalition have spiked after the Houthis accused Saudi warplanes of obstructing an Iranian civilian flight to Sana’a. The Houthis have threatened to attack Saudi infrastructure in retaliation, while the Saudi-led coalition has vowed to respond with “unprecedented force” to any such provocations.
