വാഷിംഗ്ടൺ: മുൻ ഇറാൻ പരമോന്നത നേതാവ് ആയത്തുള്ള അലി ഖമനേയിയുടെ സംസ്കാര ചടങ്ങുകൾക്കായി ഇറാനിൽ ഒരാഴ്ചത്തെ സമയം അനുവദിച്ചത് തങ്ങളുടെ നന്മ കൊണ്ടാണെന്ന് യുഎസ് പ്രസിഡന്റ് ഡൊണാൾഡ് ട്രംപ്. യുഎസിന്റെ 250-ാം സ്വാതന്ത്ര്യദിനത്തോടനുബന്ധിച്ച് മൗണ്ട് റഷ്മോറിൽ നടന്ന ആഘോഷപരിപാടികളിൽ സംസാരിക്കുകയായിരുന്നു അദ്ദേഹം.(Trump mocks Iran says US gave Iran a week for Khamenei funeral because we are nice)
ഇറാനുമായുള്ള യുദ്ധത്തെക്കുറിച്ച് പരാമർശിച്ച ട്രംപ്, യുഎസ് സൈനിക നടപടിയിൽ ഇറാൻ വലിയ തോൽവിയാണ് നേരിട്ടതെന്ന് അവകാശപ്പെട്ടു. “ഞങ്ങൾ ഇറാനെ ശരിക്കും തകർത്തു. അവർക്ക് സമാധാനം വേണം. ശവസംസ്കാര ചടങ്ങുകൾക്കായി ഞങ്ങൾ അവർക്ക് ഒരാഴ്ച നൽകി, കാരണം ഞങ്ങൾ അത്ര നല്ലവരാണ്,” ട്രംപ് പറഞ്ഞു. പ്രസിഡന്റിന്റെ പരാമർശം കേട്ട് സദസ്സിൽ ചിരിയും വലിയ ആരവങ്ങളുയർന്നു.
ഫെബ്രുവരി 28-ന് നടന്ന യുഎസ്-ഇസ്രായേൽ സംയുക്ത ആക്രമണത്തിലാണ് ഖമനേയിയും കുടുംബാംഗങ്ങളും കൊല്ലപ്പെട്ടത്. യുദ്ധസാഹചര്യവും സുരക്ഷാ ഭീഷണിയും കണക്കിലെടുത്ത് മാറ്റിവെച്ച സംസ്കാര ചടങ്ങുകൾ, കഴിഞ്ഞ മാസം ഒപ്പുവെച്ച താൽക്കാലിക വെടിനിർത്തൽ കരാറിനെത്തുടർന്നാണ് ഇപ്പോൾ ആരംഭിച്ചിരിക്കുന്നത്. വെള്ളിയാഴ്ച ടെഹ്റാനിൽ ആരംഭിച്ച വിലാപയാത്ര ക്വാം, ഇറാഖിലെ നജഫ്, കർബല എന്നീ നഗരങ്ങൾ പിന്നിട്ട് ജൂലൈ 9-ന് മഷ്ഹദിലാണ് സമാപിക്കുക. ഇന്ത്യ അടക്കമുള്ള രാജ്യങ്ങൾ ചടങ്ങിൽ പ്രതിനിധികളെ അയച്ചിട്ടുണ്ട്.
Story Summary
US President Donald Trump mocked Iran during an Independence Day address at Mount Rushmore, claiming that Washington had “generously” allowed Iran a week to hold the funeral of former Supreme Leader Ayatollah Ali Khamenei. Khamenei was killed in a US-Israeli strike on February 28, and his state funeral is currently underway across Iran and Iraq following a recent ceasefire.
