ടെഹ്റാൻ: ഇറാൻ മുൻ പരമോന്നത നേതാവ് ആയത്തുള്ള അലി ഖമേനിയുടെ വിയോഗത്തെത്തുടർന്നുളള സംസ്കാര ചടങ്ങുകൾക്ക് ടെഹ്റാനിൽ തുടക്കമായി. അദ്ദേഹത്തിന്റെ ഭൗതികദേഹം പൊതുദർശനത്തിനായി ഗ്രാൻഡ് മൊസല്ലയിൽ എത്തിച്ചപ്പോൾ രാജ്യം കണ്ണീരണിഞ്ഞു. ഇറാനിയൻ നേതാക്കൾ അടക്കമുള്ളവർ വികാരഭരിതരായാണ് തങ്ങളുടെ പ്രിയപ്പെട്ട നേതാവിന് വിടയേകിയത്.(Ayatollah Ali Khamenei funeral, Emotional scenes as funeral ceremonies begin in Tehran)
ഭൗതികദേഹത്തിന് മുന്നിൽ പാർലമെൻ്റ് സ്പീക്കർ മുഹമ്മദ് ബാഗർ ഖാലിബാഫ് അടക്കമുള്ള നേതാക്കൾ വികാരാധീനരായി പൊട്ടിക്കരയുന്ന ദൃശ്യങ്ങൾ പുറത്തുവന്നു. ഇറാൻ പ്രസിഡൻ്റ് മസൂദ് പെസഷ്കിയാൻ, വിദേശകാര്യ മന്ത്രി അബ്ബാസ് അരാഗ്ചി, ജുഡീഷ്യറി ചീഫ് ഘോലാം ഹൊസൈൻ മൊഹ്സെനി എജെയി, എക്സ്പെൻഡൻസി കൗൺസിൽ ചെയർമാൻ ആയത്തുള്ള സാദിഖ് അമോലി ലാരിജാനി തുടങ്ങിയവർ അന്തിമോപചാരം അർപ്പിച്ചു.
ഇറാനിലും ഇറാഖിലുമായി ജൂലൈ 9 വരെ നീളുന്ന വിപുലമായ സംസ്കാര ചടങ്ങുകളാണ് ആസൂത്രണം ചെയ്തിരിക്കുന്നത്. തിങ്കളാഴ്ച ടെഹ്റാനിൽ വിലാപയാത്ര നടക്കും. തുടർന്ന് ക്വാം, ബാഗ്ദാദ്, കർബല, നജഫ് എന്നീ നഗരങ്ങളിൽ ചടങ്ങുകൾ നടക്കും. ജൂലൈ ഒൻപതിന് ഖമനേയിയുടെ ജന്മനാടായ മഷ്ഹദിലെ ഇമാം റെസ ആരാധനാലയത്തിലാണ് ഖബറടക്കം നടക്കുക. ചടങ്ങുകളിൽ അഞ്ച് ദിവസത്തിനുള്ളിൽ രണ്ട് കോടിയോളം പേർ പങ്കെടുക്കുമെന്നാണ് അധികൃതരുടെ കണക്കുകൂട്ടൽ.
വിവിധ രാജ്യങ്ങളിൽ നിന്നുള്ള നേതാക്കൾ അലി ഖമനേയിക്ക് ആദരാഞ്ജലികൾ അർപ്പിക്കാൻ ഇറാനിലെത്തി. പാകിസ്ഥാൻ പ്രധാനമന്ത്രി ഷെഹബാസ് ഷെരീഫ്, അർമേനിയൻ പ്രധാനമന്ത്രി നിക്കോൾ പാഷിനിയൻ, താജിക്കിസ്ഥാൻ പ്രസിഡന്റ് ഇമോമാലി റഹ്മോൺ, തുർക്ക്മെനിസ്ഥാൻ നേതാവ് ഗുർബാംഗുലി ബെർഡിമുഹമദോവ്, റഷ്യൻ സുരക്ഷാ കൗൺസിൽ ഡെപ്യൂട്ടി ചെയർമാൻ ദിമിത്രി മെദ്വദേവ് തുടങ്ങിയവർ അന്തിമോപചാരം അർപ്പിച്ചവരിൽ ഉൾപ്പെടുന്നു.
Story Summary
Tehran’s Grand Mosalla witnessed emotional scenes as Iran began its multi-day funeral ceremonies for former Supreme Leader Ayatollah Ali Khamenei. Leaders including President Masoud Pezeshkian and Speaker Mohammad Bagher Ghalibaf paid their respects, while world leaders from across the region arrived to honor the late leader. The final burial is scheduled for July 9 in his hometown, Mashhad, following a series of processions across Iran and Iraq.
