കൊച്ചി: വീട്ടിൽ അതിക്രമിച്ചുകയറി പെൺകുട്ടിയെ പീഡിപ്പിക്കാൻ ശ്രമിച്ചയാളെ പോലീസ് അറസ്റ്റ് ചെയ്തു. ഉത്തർപ്രദേശ് സ്വദേശിയായ രാജേഷ് ആണ് പിടിയിലായത്. അങ്കമാലി റെയിൽവേ സ്റ്റേഷന് സമീപമുള്ള വീട്ടിലാണ് സംഭവം നടന്നത്.(Sexual Assault Attempt Uttar Pradesh Native Arrested in Ernakulam )
മാനസിക വെല്ലുവിളി നേരിടുന്ന പെൺകുട്ടിയാണ് പീഡനശ്രമത്തിന് ഇരയായത്. പെൺകുട്ടിയുടെ നിലവിളി കേട്ട് ഓടിയെത്തിയ നാട്ടുകാർ പ്രതിയെ തടഞ്ഞുവെക്കുകയും പോലീസിനെ വിവരം അറിയിക്കുകയുമായിരുന്നു. തുടർന്ന് അങ്കമാലി പോലീസ് സ്ഥലത്തെത്തി രാജേഷിന്റെ അറസ്റ്റ് രേഖപ്പെടുത്തി.
പ്രതി കേരളത്തിലെത്തിയിട്ട് എത്ര കാലമായെന്നും ഇയാൾ എവിടെയാണ് ജോലി ചെയ്തിരുന്നതെന്നും പോലീസ് അന്വേഷിച്ചു വരികയാണ്. ഇയാൾക്ക് മറ്റ് ക്രിമിനൽ പശ്ചാത്തലമുണ്ടോ എന്ന കാര്യവും പോലീസ് പരിശോധിക്കുന്നുണ്ട്.
Story Summary
Angamaly police arrested a native of Uttar Pradesh, identified as Rajesh, for allegedly attempting to sexually assault a mentally challenged girl after trespassing into her house. The locals caught the suspect and handed him over to the police. An investigation into his background is underway.
