തിരുവനന്തപുരം: പാലക്കാട് വോട്ടർമാർക്ക് പണം നൽകിയ സംഭവത്തിൽ ശോഭാ സുരേന്ദ്രനെതിരെ തിരഞ്ഞെടുപ്പ് കമ്മീഷൻ കർശന നടപടി സ്വീകരിക്കണമെന്ന് കെപിസിസി പ്രസിഡന്റ് സണ്ണി ജോസഫ്. വോട്ടിന് പണം നൽകുന്ന ഉത്തരേന്ത്യൻ രീതി കേരളത്തിൽ നടപ്പിലാക്കാനാണ് ബിജെപി ശ്രമിക്കുന്നത്. പുറത്തുവന്ന ദൃശ്യങ്ങൾ തന്നെ കേസെടുക്കാൻ മതിയായ തെളിവാണെന്ന് അദ്ദേഹം ചൂണ്ടിക്കാട്ടി.(Election Commission should take strict action, Sunny Joseph against Sobha Surendran)
ബിജെപി ഒഴുക്കുന്ന കോടിക്കണക്കിന് രൂപയുടെ സ്രോതസ്സിനെക്കുറിച്ച് വിശദമായ അന്വേഷണം വേണം. പണം നൽകി ജനാധിപത്യത്തെ വിലയ്ക്കെടുക്കാമെന്നത് ബിജെപിയുടെ വ്യാമോഹമാണ്. നിയമവിരുദ്ധമായ പണം വിതരണം ചോദ്യം ചെയ്തവരെയും ദൃശ്യങ്ങൾ പകർത്തിയവരെയും ഭീഷണിപ്പെടുത്തിയ സ്ഥാനാർത്ഥിയുടെ ധാർഷ്ട്യം അംഗീകരിക്കാനാവില്ല എന്നും അദ്ദേഹം പറഞ്ഞു.
