നമ്മൾ സിനിമ കാണുമ്പോഴും യാത്ര ചെയ്യുമ്പോഴും ഒരു കൂട്ടിന് ഏറ്റവും നിർബന്ധമുള്ള ഒന്നാണ് പൊട്ടറ്റോ ചിപ്സ്. എന്നാൽ ഈ രുചികരമായ വിഭവത്തിന് പിന്നിൽ വലിയൊരു പകയും ദേഷ്യവുമുണ്ട് എന്ന് പറഞ്ഞാൽ വിശ്വസിക്കാൻ പ്രയാസമാണ്. 1853-ൽ അമേരിക്കയിലെ ഒരു റസ്റ്റോറന്റിൽ നടന്ന ഒരു ചെറിയ വഴക്കാണ്, ഇന്ന് ലോകമെമ്പാടുമുള്ള ചിപ്സ് പ്രേമികളുടെ പ്രിയപ്പെട്ട വിഭവത്തിന് തുടക്കമിട്ടത്. (Potato Chips History)
ന്യൂയോർക്കിലെ ഒരു റസ്റ്റോറന്റിൽ ജോർജ്ജ് ക്രം (George Crum) എന്ന ഷെഫ് ജോലി ചെയ്യുന്ന സമയം. ഒരു ദിവസം ഒരു കസ്റ്റമർ റസ്റ്റോറന്റിൽ വന്ന് ഫ്രഞ്ച് ഫ്രൈസ് ഓർഡർ ചെയ്തു. ഭക്ഷണം ടേബിളിൽ എത്തിയപ്പോൾ കസ്റ്റമർ അത് തിരികെ അയച്ചു. കാരണം, ഫ്രഞ്ച് ഫ്രൈസ് ഒട്ടും ‘ക്രിസ്പി’ അല്ല, കനം കൂടിപ്പോയി എന്നതായിരുന്നു പരാതി. ഷെഫ് വീണ്ടും മെലിഞ്ഞതാക്കി മുറിച്ചു നൽകി, പക്ഷേ അപ്പോഴും കസ്റ്റമർ തൃപ്തനായിരുന്നില്ല. ഒന്നിനുപുറകെ ഒന്നായി പരാതികൾ വന്നപ്പോൾ ജോർജ്ജ് ക്രം ശരിക്കും ദേഷ്യപ്പെട്ടു. “നീ നല്ല കനം കുറഞ്ഞത് വേണമെന്നല്ലേ പറയുന്നത്, എന്നാൽ പിന്നെ പേപ്പർ പോലെ നേർത്തതാക്കി തരാം!” എന്ന് തീരുമാനിച്ച ഷെഫ്, ഉരുളക്കിഴങ്ങ് അങ്ങേയറ്റം കനം കുറച്ച് അരിഞ്ഞു. എന്നിട്ട് അത് എണ്ണയിലിട്ട് മൊരിഞ്ഞു വരുന്നതുവരെ വറുത്തു. നല്ല കറുമുറെ മൊരിഞ്ഞ ചിപ്സിൽ ഒത്തിരി ഉപ്പും വിതറി അദ്ദേഹം കസ്റ്റമർക്ക് മുന്നിൽ കൊണ്ടുപോയി വെച്ചു.
ക്രം കരുതിയത് കസ്റ്റമർ ദേഷ്യപ്പെടുമെന്നാണ്. എന്നാൽ സംഭവിച്ചത് മറിച്ചാണ്! ആ ‘കലിപ്പ് ചിപ്സ്’ കഴിച്ച കസ്റ്റമർ അത്ഭുതപ്പെട്ടുപോയി. താൻ ഇതുവരെ കഴിച്ചിട്ടില്ലാത്ത അത്രയും രുചിയുള്ള വിഭവമായിരുന്നു അത്. അവിടെ തടിച്ചുകൂടിയ മറ്റ് ആളുകളും അത് ചോദിച്ചുവാങ്ങി കഴിക്കാൻ തുടങ്ങി. അങ്ങനെ ഒരു ഷെഫിന്റെ ദേഷ്യം ലോകത്തിലെ ഏറ്റവും പ്രിയപ്പെട്ട സ്നാക്സ് ആയി മാറി. ചിലപ്പോൾ ജീവിതത്തിലെ വലിയ മാറ്റങ്ങൾ തുടങ്ങുന്നത് വളരെ നിസ്സാരമായ, ചിലപ്പോൾ ദേഷ്യത്തിൽ നിന്ന് പോലും ഉണ്ടാവുന്ന കാര്യങ്ങളിൽ നിന്നായിരിക്കും. ജോർജ്ജ് ക്രം ആ ദിവസം അത്ര ദേഷ്യപ്പെട്ടില്ലായിരുന്നെങ്കിൽ, ഒരുപക്ഷേ ഇന്ന് നമ്മൾ തിന്നുന്ന ഈ ക്രിസ്പി ചിപ്സ് കണ്ടുപിടിക്കപ്പെടാൻ വൈകിയേനെ.
Summary: The world-famous potato chip was born out of pure frustration. In 1853, Chef George Crum, annoyed by a customer repeatedly complaining that his French fries were too thick and not crispy enough, decided to teach the customer a lesson. He sliced the potatoes paper-thin, deep-fried them until they were incredibly crispy, and covered them in salt. To his surprise, the customer loved them. What began as a moment of culinary spite turned into one of the most beloved snacks in history.
