മുംബൈ: ഇന്ത്യൻ ക്രിക്കറ്റ് താരം സൂര്യകുമാർ യാദവ് ഐപിഎൽ ഫ്രാഞ്ചൈസിയായ മുംബൈ ഇന്ത്യൻസ് വിടുന്നതായി ശക്തമായ സൂചനകൾ (Suryakumar Yadav Mumbai Indians Exit Rumours). തിങ്കളാഴ്ച രാവിലെ മുതൽ സൂര്യകുമാർ യാദവിന്റെ ഔദ്യോഗിക ഇൻസ്റ്റാഗ്രാം പ്രൊഫൈലിൽ നിന്ന് മുംബൈ ഇന്ത്യൻസുമായി ബന്ധപ്പെട്ട എല്ലാ ചിത്രങ്ങളും വിവരങ്ങളും പൂർണ്ണമായും നീക്കം ചെയ്യപ്പെട്ടതോടെയാണ് ക്രിക്കറ്റ് ലോകത്ത് അഭ്യൂഹങ്ങൾ ശക്തമായത്. കൂടാതെ ഇൻസ്റ്റാഗ്രാമിൽ മുംബൈ ഇന്ത്യൻസിന്റെ ഔദ്യോഗിക അക്കൗണ്ടിനെയും നിലവിലെ ക്യാപ്റ്റൻ ഹാർദിക് പാണ്ഡ്യയെയും സൂര്യകുമാർ അൺഫോളോ ചെയ്തതായും ആരാധകർ കണ്ടെത്തിയിട്ടുണ്ട്. രോഹിത് ശർമ്മയ്ക്കും എംഎസ് ധോണിക്കുമൊപ്പമുള്ള ഒരു ചിത്രം മാത്രമാണ് നിലവിൽ മുംബൈ ടീമുമായി ബന്ധപ്പെട്ട് അദ്ദേഹത്തിന്റെ പ്രൊഫൈലിൽ അവശേഷിക്കുന്നത്.
Suryakumar Yadav removed Mumbai Indians and Mumbai from his bio. He unfollowed Mumbai Indians. MI unfollowed him. He deleted all MI related pics and videos from his insta id. He changed his pfp too.
What’s cooking? pic.twitter.com/PL6ErA6tDc
— SKY n Supla Shot (@sky_63_mr_t20i) June 7, 2026
അടുത്തിടെ ഇന്ത്യൻ ടി20 ടീമിന്റെ ക്യാപ്റ്റൻ സ്ഥാനത്ത് നിന്ന് നീക്കുകയും തുടർന്ന് ടീമിൽ നിന്ന് തന്നെ ഒഴുവാക്കുകയും ചെയ്തതിന് പിന്നാലെയാണ് സൂര്യകുമാറിന് ഐപിഎല്ലിലും തിരിച്ചടി നേരിടുന്നത്. 2018 മുതൽ കൊൽക്കത്ത നൈറ്റ് റൈഡേഴ്സിൽ നിന്ന് മുംബൈ ഇന്ത്യൻസിലെത്തിയ താരം ടീമിന്റെ പല ചരിത്ര വിജയങ്ങളിലും നിർണ്ണായക പങ്കുവഹിച്ചിരുന്നു. എന്നാൽ ഐപിഎൽ 2026 സീസണിൽ 20.77 ശരാശരിയിൽ വെറും 270 റൺസ് മാത്രമാണ് സൂര്യകുമാറിന് നേടാനായത്.
രണ്ട് അർദ്ധസെഞ്ചുറികൾ മാത്രം നേടിയ താരത്തിന്റെ മോശം ഫോമും പത്ത് ടീമുകളുള്ള പോയിന്റ് പട്ടികയിൽ മുംബൈ ഇന്ത്യൻസ് ഒൻപതാം സ്ഥാനത്തേക്ക് പിന്തള്ളപ്പെട്ടതുമാണ് ഫ്രാഞ്ചൈസി മാനേജ്മെന്റിനെ കടുത്ത തീരുമാനങ്ങളിലേക്ക് നയിച്ചതെന്നാണ് റിപ്പോർട്ട്. സൂര്യകുമാറിനെ ഇന്ത്യൻ ടി20 ടീമിൽ നിന്ന് ഒഴിവാക്കി ശ്രേയസ് അയ്യരെ ക്യാപ്റ്റനാക്കിയ സെലക്ഷൻ കമ്മിറ്റിയുടെ തീരുമാനത്തിനെതിരെ മുൻ ഇന്ത്യൻ സ്പിന്നർ രവിചന്ദ്രൻ അശ്വിൻ ഉൾപ്പെടെയുള്ളവർ രംഗത്തെത്തിയിരുന്നു. ഇന്ത്യക്ക് ടി20 ലോകകപ്പ് നേടിത്തന്ന ക്യാപ്റ്റനെ ഫോമിന്റെ പേരിൽ മാത്രം പെട്ടെന്ന് തഴഞ്ഞത് നീതികേടാണെന്നാണ് ക്രിക്കറ്റ് നിരീക്ഷകരുടെ വിലയിരുത്തൽ.
Summary: Speculation is rife over Suryakumar Yadav’s potential exit from Mumbai Indians after the star batter wiped clean all franchise-related photos and mentions from his official Instagram profile on Monday morning. In addition to cleansing his digital presence, Suryakumar has reportedly unfollowed both Mumbai Indians and his IPL captain Hardik Pandya on the platform. The development follows a difficult phase for the cricketer, who was recently dropped from the national squad and replaced as India’s T20I captain by Shreyas Iyer. Following a dismal IPL 2026 season where he managed just 270 runs at an average of 20.77 as MI finished ninth, his long-standing association with the franchise since 2018 appears to be nearing a dramatic conclusion.
