കുത്തിയതോട്: വിവാഹവാഗ്ദാനം നൽകി യുവതിയെ ലൈംഗികമായി പീഡിപ്പിക്കുകയും ദൃശ്യങ്ങൾ പകർത്തി ഭീഷണിപ്പെടുത്തുകയും ചെയ്ത കേസിൽ ഡ്രൈവിങ് സ്കൂൾ ഉടമയെ പൊലീസ് അറസ്റ്റ് ചെയ്തു (Sexual Assault Case). പാണാവള്ളി പഞ്ചായത്ത് കൂടാക്കളച്ചിറ വീട്ടിൽ വിഷ്ണുവിനെയാണ് കുത്തിയതോട് പൊലീസ് പിടികൂടിയത്.
വിവാഹിതയായ യുവതിയുമായി സൗഹൃദം സ്ഥാപിച്ച പ്രതി, വിവാഹവാഗ്ദാനം നൽകി ഇവരെ കാറിൽ റിസോർട്ടിലെത്തിക്കുകയായിരുന്നു. അവിടെ വെച്ച് ജ്യൂസിൽ മയക്കുമരുന്ന് കലർത്തി നൽകി അബോധാവസ്ഥയിലാക്കി പീഡിപ്പിച്ചുവെന്നാണ് പരാതി. ഈ സമയം യുവതിയുടെ നഗ്നദൃശ്യങ്ങൾ പ്രതി മൊബൈൽ ഫോണിൽ പകർത്തി.
തുടർന്ന് ഈ ദൃശ്യങ്ങൾ ഭർത്താവിന് അയച്ചുകൊടുക്കുമെന്ന് ഭീഷണിപ്പെടുത്തി 2023 മുതൽ 2026 വരെ പലതവണ ലൈംഗികമായി പീഡിപ്പിച്ചുവെന്ന് യുവതി പൊലീസിന് നൽകിയ മൊഴിയിൽ പറയുന്നു. ഭീഷണി സഹിക്കവയ്യാതെ വന്നതോടെയാണ് യുവതി നിയമസഹായം തേടിയത്.
യുവതിയുടെ പരാതിയിൽ കേസെടുത്ത പൊലീസ് പ്രതിയെ വിശദമായി ചോദ്യം ചെയ്ത ശേഷം അറസ്റ്റ് രേഖപ്പെടുത്തി. പ്രതിയുടെ മൊബൈൽ ഫോൺ ഉൾപ്പെടെയുള്ളവ ശാസ്ത്രീയ പരിശോധനയ്ക്കായി പൊലീസ് ശേഖരിച്ചിട്ടുണ്ട്. ചേർത്തല ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കിയ വിഷ്ണുവിനെ കോടതി റിമാൻഡ് ചെയ്തു.
Story Summary:
A driving school owner in Kuthiathode, Alappuzha, was arrested for sexually exploiting a married woman by promising marriage and later blackmailing her. The accused, Vishnu, allegedly drugged the victim, recorded private videos, and threatened to expose them to her husband, continuing the abuse from 2023 to 2026. He has been remanded by the Cherthala court.
