തിരുവനന്തപുരം: നിയമസഭാ തിരഞ്ഞെടുപ്പിൽ റെക്കോർഡ് വോട്ടിങ് ശതമാനം ലക്ഷ്യമിട്ട് വ്യത്യസ്തമായ പ്രചാരണ പരിപാടികളുമായി തിരുവനന്തപുരം ജില്ലാ ഭരണകൂടം. വോട്ടർമാരെ പോളിങ് സ്റ്റേഷനുകളിലേക്ക് ആകർഷിക്കുന്നതിനായി ജില്ലാ കലക്ടർ അനു കുമാരിയുടെ നേതൃത്വത്തിൽ ബോധവൽക്കരണ പരിപാടികൾ സംഘടിപ്പിച്ചു.(Thiruvananthapuram in election fever, District administration with different awareness campaigns)
കഴിഞ്ഞ ദിവസം വിഴിഞ്ഞം തീരത്ത് സംഘടിപ്പിച്ച സ്കൂബ ഡൈവിംഗിന് പിന്നാലെ, വർക്കല ക്ലിഫിൽ പാരാഗ്ലൈഡിംഗും പാപനാശത്ത് പാരാസെയിലിംഗും നടത്തിയാണ് കലക്ടറും സംഘവും വോട്ടർമാർക്ക് സന്ദേശം നൽകിയത്. സ്വീപ്പിന്റെ ഭാഗമായി സംഘടിപ്പിച്ച ഈ പരിപാടികൾ വൻ ജനശ്രദ്ധ പിടിച്ചുപറ്റി.
അരമണിക്കൂറിലധികം പാരാഗ്ലൈഡിംഗ് നടത്തിയ ശേഷം സംസാരിച്ച ജില്ലാ കലക്ടർ, ഓരോ വോട്ടും ജനാധിപത്യ പ്രക്രിയയിൽ എത്രത്തോളം നിർണ്ണായകമാണെന്ന് ഓർമ്മിപ്പിച്ചു. വോട്ടിംഗിന്റെ ശക്തി തിരിച്ചറിഞ്ഞ് ഏപ്രിൽ ഒൻപതിന് നടക്കുന്ന പോളിംഗിൽ എല്ലാവരും തങ്ങളുടെ സമ്മതിദാനാവകാശം വിനിയോഗിക്കണമെന്ന് അവർ അഭ്യർത്ഥിച്ചു.
