കൊച്ചി: സംസ്ഥാനത്തെ സ്വർണവിപണിയിൽ ആശ്വാസമേകി വിലയിൽ വലിയ ഇടിവ് രേഖപ്പെടുത്തി. ആഗോള വിപണിയിലുണ്ടായ മാറ്റങ്ങളെ തുടർന്ന്, കഴിഞ്ഞ ദിവസങ്ങളിൽ വർധിച്ചുവന്ന സ്വർണവിലയിലാണ് ഇന്ന് ഒറ്റയടിക്ക് വൻ കുറവുണ്ടായിരിക്കുന്നത്.(Gold Price Drops Significantly In Kerala bringing relief to buyers and investors)
ഇന്നത്തെ വിപണി നിരക്കനുസരിച്ച്, ഒരു പവൻ സ്വർണത്തിന് 1,360 രൂപ കുറഞ്ഞ് 1,05,840 രൂപയിലെത്തി. ഗ്രാമിന് 170 രൂപയുടെ കുറവാണ് രേഖപ്പെടുത്തിയത്. ഇതോടെ ഒരു ഗ്രാം സ്വർണത്തിന്റെ വില 13,230 രൂപയായി താഴേയ്ക്കിറങ്ങി. ആഭരണം വാങ്ങാൻ കാത്തിരിക്കുന്ന ഉപഭോക്താക്കൾക്കും വിവാഹ ആവശ്യങ്ങൾക്കായി സ്വർണം വാങ്ങുന്നവർക്കും ഈ വിലക്കുറവ് വലിയ ആശ്വാസമാണ് പകരുന്നത്.
രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്. നിലവിൽ ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും.
Story Summary
Gold prices in Kerala witnessed a sharp decline, bringing relief to buyers and investors. The price of one pavan (8 grams) plummeted by ₹1,360 to settle at ₹1,05,840, while the rate per gram dropped by ₹170 to reach ₹13,230.
