രാജ്യത്ത് കോവിഡ് മരണം 29 ആയി; രോഗബാധിതരുടെ എണ്ണം 1071
Mar 30, 2020, 13:02 IST
ന്യൂഡൽഹി: രാജ്യത്ത് കോവിഡ് 19 ബാധിച്ച് മരിച്ചവരുടെ എണ്ണം 29 ആയി. ഇതുവരെ 1,071 പേരിലാണ് രോഗം സ്ഥിരീകരിച്ചത്. അതേസമയം, രാജ്യത്ത് ഇതുവരെ 100 പേർ രോഗവിമുക്തി നേടിയതായും കേന്ദ്ര ആരോഗ്യ മന്ത്രാലയം അറിയിച്ചു.രാജ്യത്ത് ഏറ്റവും കൂടുതൽ കോവിഡ് രോഗികൾ ഉള്ളത് കേരളത്തിലാണ്. 202 പേർക്കാണ് കേരളത്തിൽ കൊറോണ സ്ഥിരീകരിച്ചത്.രോഗബാധിതരുടെ എണ്ണത്തിൽ കേരളത്തിനുതൊട്ടുപിന്നിൽ മഹാരാഷ്ട്രയാണുള്ളത്. 193 പേർക്കാണ് മഹാരാഷ്ട്രയിൽ രോഗം സ്ഥിരീകരിച്ചിരിക്കുന്നത്.