അമേരിക്കയിൽ കാണാതായ ഇന്ത്യൻ വംശജയായ യുവതിയുടെ മൃതദേഹം കാറിന്റെ ഡിക്കിയില്‍ പൊതിഞ്ഞുകെട്ടിയ നിലയിൽ
വാഷിങ്ടൺ: കാണാതായ ഇന്ത്യൻ വംശജയായ യുവതിയുടെ മൃതദേഹം കാറിന്റെ ഡിക്കിയിൽ പൊതിഞ്ഞു കെട്ടിയ നിലയിൽ കണ്ടെത്തി. രണ്ടാഴ്ച്ച മുൻപ് കാണാതായ . സറീല്‍ ദബാവാല എന്ന 35 കാരിയുടെ മൃതദേഹമാണ് കണ്ടെത്തിയത് . കാറിന്റെ ഡിക്കിയില്‍ പൊതിഞ്ഞുകെട്ടിയ നിലയിലായിരുന്നു മൃതദേഹം. 2019 ഡിസംബര്‍ 30നായിരുന്നു സറീലിനെ കാണാതായത്.
അന്വേഷണത്തിനൊടുവിൽ ചിക്കാഗോയിലെ വെസ്റ്റ് ഗാര്‍ഫീല്‍ഡ് പാര്‍ക്കില്‍ നിന്നാണ് യുവതിയുടെ കാര്‍ കണ്ടെത്തിയത്.
സംഭവത്തില്‍ ഇതുവരെയും ആരെയും അറസ്റ്റ് ചെയ്തിട്ടില്ല . പോസ്റ്റ്‌മോര്‍ട്ടം റിപ്പോര്‍ട്ട് ലഭിച്ചതിന് ശേഷം മാത്രമേ കൂടുതല്‍ കാര്യങ്ങള്‍ പറയാനാകൂ എന്നാണ് പൊലീസ് അറിയിച്ചത്.
ഗുജറാത്തില്‍നിന്ന് അമേരിക്കയിലേക്ക് കുടിയേറിയ അഷ്‌റഫ് ദാബാവാലയുടെ മകളാണ് സറീല്‍. പ്രദേശത്തെ അറിയപ്പെടുന്ന ഡോക്ടറാണ് യുവതിയുടെ അച്ഛന്‍. സറീലിനെ കാണാതായതോടെ യുവതിയെക്കുറിച്ച് വിവരം നല്‍കുന്നവര്‍ക്ക് 10000 ഡോളര്‍ പാരിതോഷികം ദാബാവാല കുടുംബം പ്രഖ്യാപിച്ചിരുന്നു.