ലണ്ടൻ: ട്രാൻസ്ജെൻഡർ വ്യക്തികളെയും ലിംഗ വ്യക്തിത്വത്തെയും കുറിച്ചുള്ള തന്റെ നിലപാടുകളുടെ പേരിൽ ഹാരി പോട്ടർ എഴുത്തുകാരി ജെ.കെ റൗളിംഗ് വീണ്ടും വിവാദത്തിൽ. ‘ട്രാൻസ് വുമൺ’ എന്ന പദപ്രയോഗത്തെ വ്യാകരണപരമായി വ്യാഖ്യാനിച്ചുകൊണ്ട് എക്സിൽ പങ്കുവെച്ച കുറിപ്പാണ് പുതിയ തർക്കങ്ങൾക്ക് വഴിതുറന്നത്.(JK Rowling Trans Women Comment Controversy Viral X Post)
‘ട്രാൻസ് വുമൺ’ എന്ന വാക്കിൽ ‘ട്രാൻസ്’ എന്നത് ഒരു വിശേഷണം മാത്രമാണെന്നും അതിനാൽ അവർ സ്ത്രീകളാണെന്ന് അർത്ഥമില്ലെന്നും ചൂണ്ടിക്കാട്ടിയ ഒരു ഉപയോക്താവിന്റെ കമന്റിന് മറുപടിയായാണ് റൗളിംഗ് നിലപാട് വ്യക്തമാക്കിയത്. ഒരു നാമവിശേഷണം നാമത്തിന് മുന്നിൽ ചേർത്തതുകൊണ്ട് മാത്രം അത് ആ നാമത്തിന്റെ ഭാഗമാകില്ലെന്ന് റൗളിംഗ് വാദിച്ചു. “ഹോട്ട് ഡോഗ് എന്നത് ഡോഗ് അല്ല, ക്രോസ് ഫീറ്റ് എന്നത് ഫീറ്റ് അല്ല, അതുപോലെ ട്രാൻസ് വുമൺ എന്നത് വുമൺ അല്ല” എന്നായിരുന്നു റൗളിംഗിന്റെ പോസ്റ്റ്.
പോസ്റ്റ് ചുരുങ്ങിയ സമയത്തിനുള്ളിൽ ദശലക്ഷക്കണക്കിന് ആളുകളാണ് കണ്ടത്. വ്യാകരണ നിയമങ്ങളെ തെറ്റായി ഉപയോഗിച്ച് ട്രാൻസ് വിഭാഗത്തെ അധിക്ഷേപിക്കുകയാണെന്ന് ചൂണ്ടിക്കാട്ടി നിരവധി പേർ എഴുത്തുകാരിക്കെതിരെ രംഗത്തെത്തി. എന്നാൽ ജൈവശാസ്ത്രപരമായ ലിംഗവ്യത്യാസം യാഥാർത്ഥ്യമാണെന്നും സ്ത്രീകളുടെ അവകാശങ്ങൾ സംരക്ഷിക്കപ്പെടണമെന്നുമാണ് തന്റെ നിലപാടെന്ന് റൗളിംഗ് മുൻപും വ്യക്തമാക്കിയിട്ടുണ്ട്.
Story Summary
Harry Potter author JK Rowling sparked fresh controversy on X after using grammatical analogies like “hot dog” and “crow’s feet” to argue that “trans women aren’t women.” While Rowling defended her stance on biological sex and women’s rights, her post faced intense backlash from critics who accused her of invalidating transgender identity.
