ന്യൂയോർക്കിലെ ഹാൻകോക്കിൽ പ്രവർത്തിച്ചിരുന്ന ‘ഫാമിലി ഫൗണ്ടേഷൻ സ്കൂളിൽ’ നടന്ന ഞെട്ടിപ്പിക്കുന്ന പീഡനവിവരങ്ങൾ പുറത്ത് (Family Foundation School abuse). സ്കൂളിലെ മുൻ വിദ്യാർത്ഥിയാണ് തനിക്ക് നേരിടേണ്ടി വന്ന ക്രൂരതകൾ ചൂണ്ടിക്കാട്ടി കോടതിയിൽ 10 മില്യൺ ഡോളറിന്റെ നഷ്ടപരിഹാര കേസ് ഫയൽ ചെയ്തത്. വർഷത്തിൽ 80,000 ഡോളർ ഫീസുള്ള ഈ സ്കൂളിൽ കുട്ടികളെക്കൊണ്ട് സ്വന്തം ശവക്കുഴി തോണ്ടിക്കുകയും അതിൽ കിടത്തുകയും ചെയ്തതടക്കമുള്ള അതിക്രൂരമായ പീഡനങ്ങളാണ് നടന്നത്.
വിദ്യാർത്ഥികളെ ലൈംഗികമായി പീഡിപ്പിക്കുകയും, തങ്ങളുടെ ഛർദ്ദി കഴിക്കാൻ നിർബന്ധിക്കുകയും, റഗ്ഗുകളിൽ പൊതിഞ്ഞ് ടേപ്പുകൾ കൊണ്ട് കെട്ടിയിടുകയും ചെയ്തിരുന്നതായി പരാതിയിൽ പറയുന്നു. സ്കൂൾ ഉടമകളായ മൈക്കൽ, സിൻഡി അർജിറോസ് എന്നിവരുടെ സ്വകാര്യ എസ്റ്റേറ്റുകളിൽ കുട്ടികളെക്കൊണ്ട് അടിമപ്പണി ചെയ്യിപ്പിച്ചിരുന്നു. പന്നിക്കൂട് വൃത്തിയാക്കാനും കൃഷിപ്പണികൾക്കും നിർമ്മാണ പ്രവർത്തനങ്ങൾക്കും വിദ്യാർത്ഥികളെ ഉപയോഗപ്പെടുത്തി. സ്കൂളിലെ സംഗീത അധ്യാപകനായ പോൾ ഗീർ വിദ്യാർത്ഥികളെ ലൈംഗികമായി പീഡിപ്പിച്ചതിന് 2024-ൽ 27 വർഷത്തെ തടവിന് ശിക്ഷിക്കപ്പെട്ടിരുന്നു.
സ്കൂൾ ഉടമകളുടെ സ്വാധീനം കാരണം പ്രാദേശിക ഭരണകൂടവും പോലീസും ഈ ക്രൂരതകൾ കണ്ടില്ലെന്ന് നടിക്കുകയായിരുന്നുവെന്ന് പരാതിയിൽ ആരോപിക്കുന്നു. സ്കൂളിൽ നിന്ന് രക്ഷപ്പെടാൻ ശ്രമിക്കുന്ന കുട്ടികളെ പിടികൂടാൻ നായ്ക്കളെ ഉപയോഗിച്ചിരുന്നതായും വെളിപ്പെടുത്തലുണ്ട്. അർജിറോസ് കുടുംബത്തിനും ഹാൻകോക്ക് ഗ്രാമത്തിനും പ്രാദേശിക പോലീസിനുമെതിരെയാണ് കേസ് ഫയൽ ചെയ്തിരിക്കുന്നത്. നിലവിൽ പൂട്ടിയ ഈ സ്കൂൾ, പരിശീലനമോ യോഗ്യതയോ ഇല്ലാത്ത ആളുകളായിരുന്നു നടത്തിയിരുന്നത്.
Summary: A survivor of the defunct Family Foundation School in New York has filed a $10 million lawsuit alleging horrific abuse at the $80,000-a-year boarding school. The allegations include forcing children to dig their own graves, consume vomit, and perform slave labor for the owners, the Argiros family. The victim also reported systematic sexual abuse by music teacher Paul Geer, who was sentenced to 27 years in prison in 2024.
