മുംബൈ: നവി മുംബൈ രാജ്യാന്തര വിമാനത്താവളത്തിൽ നിന്ന് അന്താരാഷ്ട്ര സർവീസ് നടത്തുന്ന ആദ്യ എയർലൈൻ എന്ന നേട്ടം സ്വന്തമാക്കി എയർ ഇന്ത്യ എക്സ്പ്രസ് (Air India Express). 2026 ജൂലൈ 15 മുതൽ അബുദാബിയിലേക്ക് നേരിട്ടുള്ള സർവീസ് ആരംഭിക്കുമെന്ന് എയർലൈൻ ഔദ്യോഗികമായി പ്രഖ്യാപിച്ചു. മുംബൈ മെട്രോപൊളിറ്റൻ മേഖലയിലുള്ള യാത്രക്കാർക്ക് യുഎഇയിലേക്കുള്ള യാത്ര കൂടുതൽ എളുപ്പമാക്കുന്ന ഈ പുതിയ റൂട്ട്, ഇരു നഗരങ്ങളും തമ്മിലുള്ള യാത്രാ സൗകര്യം ഗണ്യമായി വർദ്ധിപ്പിക്കും.
ജൂലൈ 15 മുതൽ ആരംഭിക്കുന്ന സർവീസുകൾ ആദ്യഘട്ടത്തിൽ ആഴ്ചയിൽ രണ്ട് ദിവസങ്ങളിലായാണ് (ബുധൻ, വെള്ളി) ക്രമീകരിച്ചിരിക്കുന്നത്. പിന്നീട് ജൂലൈ 29 മുതൽ ഞായറാഴ്ച കൂടി ഉൾപ്പെടുത്തി ആഴ്ചയിൽ മൂന്ന് സർവീസുകളായി ഇത് വർദ്ധിപ്പിക്കും. ഈ റൂട്ടിലേക്കുള്ള ടിക്കറ്റ് ബുക്കിങ് എയർ ഇന്ത്യ എക്സ്പ്രസിന്റെ വെബ്സൈറ്റ്, മൊബൈൽ ആപ്പ്, മറ്റ് പ്രധാന ബുക്കിങ് ചാനലുകൾ എന്നിവ വഴി ഇപ്പോൾ ലഭ്യമാണ്. നവി മുംബൈ വിമാനത്താവളത്തിൽ നിന്ന് അബുദാബി, ബെംഗളൂരു, ഡൽഹി എന്നിവിടങ്ങളിലേക്കായി ആഴ്ചയിൽ ആകെ 30 സർവീസുകളാണ് എയർ ഇന്ത്യ എക്സ്പ്രസ് ലക്ഷ്യമിടുന്നത്.
Summary: Air India Express has announced the launch of direct flights between the newly inaugurated Navi Mumbai International Airport and Abu Dhabi, becoming the first airline to operate international services from this airport. Starting July 15, 2026, the service will initially operate twice a week, increasing to three weekly flights from July 29.
