വാഷിംഗ്ടൺ: ഇറാനുമായുള്ള യുദ്ധസാഹചര്യത്തിനിടെ അമേരിക്കൻ പ്രസിഡന്റ് ഡൊണാൾഡ് ട്രംപിന്റെ മാനസിക നിലയെയും സോഷ്യൽ മീഡിയയിലെ പ്രകോപനപരമായ പോസ്റ്റുകളെയും ചൊല്ലി യുഎസ് കോൺഗ്രസിൽ രൂക്ഷമായ തർക്കം ( Donald Trump mental stability debate). ട്രംപ് ‘മാനസികമായി സുസ്ഥിരനാണോ’ എന്ന ചോദ്യത്തിന് കൃത്യമായ മറുപടി നൽകാതെ പ്രതിരോധ സെക്രട്ടറി പീറ്റ് ഹെഗ്സെത്ത് ഒഴിഞ്ഞുമാറിയത് വലിയ ചർച്ചയായിരിക്കുകയാണ്.
ഡെമോക്രാറ്റിക് പ്രതിനിധി സാറ ജേക്കബ്സ് ആണ് ഹെഗ്സെത്തിനോട് ഈ ചോദ്യം ഉന്നയിച്ചത്. ട്രംപിന്റെ സോഷ്യൽ മീഡിയ പോസ്റ്റുകൾ ലോകനാഗരികതയെ തന്നെ ഭീഷണിപ്പെടുത്തുന്നതാണെന്ന് അവർ ആരോപിച്ചു. എന്നാൽ ട്രംപ് മികച്ച കമാൻഡർ ഇൻ ചീഫ് ആണെന്ന് പറഞ്ഞ് ഹെഗ്സെത്ത് അദ്ദേഹത്തെ പ്രതിരോധിച്ചു. ഇറാൻ സമാധാന ചർച്ചകൾ വഴിമുട്ടി നിൽക്കെ, “ഇന്ന് രാത്രി ഒരു നാഗരികത മുഴുവൻ നശിക്കും” എന്നതടക്കമുള്ള പ്രകോപനപരമായ പോസ്റ്റുകൾ ട്രംപ് പങ്കുവെച്ചിരുന്നു. തന്നെ ഒരു ദൈവിക രൂപമായി ചിത്രീകരിക്കുന്ന എഐ ചിത്രങ്ങൾ പങ്കുവെച്ചതും ട്രംപിന്റെ മാനസികാരോഗ്യം സംബന്ധിച്ച ആശങ്കകൾക്ക് കാരണമായി.
I asked Secretary Hegseth a straightforward, yes or no question today: Is Donald Trump mentally stable enough to be Commander in Chief?
He didn’t say yes. And that speaks volumes. pic.twitter.com/ncWhEBAX9r
— Congresswoman Sara Jacobs (@RepSaraJacobs) April 29, 2026
ഇറാൻ യുദ്ധത്തിന്റെ പശ്ചാത്തലത്തിൽ 1.5 ട്രില്യൺ ഡോളറിന്റെ റെക്കോർഡ് പ്രതിരോധ ബജറ്റാണ് ട്രംപ് ഭരണകൂടം മുന്നോട്ടുവെച്ചിരിക്കുന്നത്. സൈനികരുടെ ശമ്പള വർദ്ധനവും ആധുനിക ആയുധങ്ങൾക്കായുള്ള നിക്ഷേപവും ഇതിൽ ഉൾപ്പെടുന്നു. സമാധാന ചർച്ചകളിൽ പുരോഗതിയില്ലാത്തതും ട്രംപിന്റെ അർദ്ധരാത്രിയിലുള്ള സോഷ്യൽ മീഡിയ ഇടപെടലുകളും ഭരണതലത്തിൽ വലിയ അനിശ്ചിതത്വമാണ് സൃഷ്ടിക്കുന്നത്. ഭരണകൂടത്തിന്റെ ഭാവി തീരുമാനങ്ങളെയും ലോകസമാധാനത്തെയും ട്രംപിന്റെ ഇത്തരം നീക്കങ്ങൾ എങ്ങനെ ബാധിക്കുമെന്ന ആശങ്കയിലാണ് രാഷ്ട്രീയ നിരീക്ഷകർ.
Summary: During a high-stakes Congressional hearing, US Defence Secretary Pete Hegseth faced intense questioning over President Donald Trump’s mental stability and incendiary social media posts amid the ongoing war with Iran. Democrat Sara Jacobs challenged Hegseth on whether Trump is fit to be Commander-in-Chief, citing midnight rants that threatened “whole civilisations.” While Hegseth defended Trump as an “incredible leader” and pushed for a historic $1.5 trillion defence budget, the exchange went viral, highlighting deep concerns over the administration’s stability during the current military crisis.
