ന്യൂഡൽഹി: ഡൽഹി മെട്രോ റെയിൽ കോർപ്പറേഷന്റെ മികച്ച സേവനങ്ങളെയും യാത്രാസൗകര്യങ്ങളെയും പ്രശംസിച്ച് ജർമ്മനിയിൽ ഉപരിപഠനം നടത്തുന്ന ഇന്ത്യൻ വിദ്യാർത്ഥിനി പങ്കുവെച്ച ഇൻസ്റ്റാഗ്രാം വീഡിയോ സോഷ്യൽ മീഡിയയിൽ തരംഗമാകുന്നു (Delhi Metro Best In The World). മഹിള ശർമ്മ എന്ന ഇൻസ്റ്റാഗ്രാം ഉപയോക്താവാണ് ഡൽഹി മെട്രോയാണ് ലോകത്തിലെ തന്നെ ഏറ്റവും മികച്ച പൊതുഗതാഗത സംവിധാനമെന്ന് അവകാശപ്പെട്ട് രംഗത്തെത്തിയത്. ഉപരിപഠനത്തിനായി താൻ ജർമ്മനിയിലേക്ക് മാറിയെങ്കിലും ഡൽഹി മെട്രോയിലെ യാത്രകളെ താൻ ഓരോ ദിവസവും വളരെയധികം മിസ്സ് ചെയ്യുന്നുണ്ടെന്ന് മഹിള വീഡിയോയിലൂടെ പങ്കുവെച്ചു. ജർമ്മനിയിലെ ഗതാഗത സംവിധാനം വളരെ കാര്യക്ഷമമാണെങ്കിലും ഡൽഹി മെട്രോ നൽകുന്ന ആ ഒരു അനുഭവം തനിക്ക് അവിടെ ലഭിക്കുന്നില്ലെന്നും താൻ കാണുന്നവരോടെല്ലാം ഡൽഹി മെട്രോയുടെ സവിശേഷതകളെക്കുറിച്ച് എപ്പോഴും സംസാരിക്കാറുണ്ടെന്നും മഹിള വ്യക്തമാക്കുന്നു.
ഡൽഹിക്ക് പുറത്തും വിദേശത്തും താമസിക്കുന്ന നിരവധി ആളുകൾ ഈ വീഡിയോയോട് വൈകാരികമായി പ്രതികരിച്ചതോടെ പോസ്റ്റ് വലിയ രീതിയിൽ ശ്രദ്ധിക്കപ്പെട്ടു. ഡൽഹി മെട്രോ രാജ്യത്തെയും ലോകത്തെയും ഏറ്റവും മികച്ചതും അത്യാധുനികവുമായ യാത്രാ സംവിധാനമാണെന്ന് ശരിവെച്ചുകൊണ്ട് നിരവധി പ്രവാസികളും മറ്റ് സംസ്ഥാനങ്ങളിൽ നിന്നുള്ളവരും കമന്റുകളുമായി പോസ്റ്റിന് താഴെ എത്തിയിട്ടുണ്ട്. യാത്രക്കാരുടെ സുരക്ഷ, വൃത്തി, കൃത്യനിഷ്ഠ എന്നിവയിൽ അന്താരാഷ്ട്ര നിലവാരം പുലർത്തുന്ന ഡൽഹി മെട്രോയോടുള്ള പ്രവാസികളുടെ സ്നേഹവും ഗൃഹാതുരത്വവും വ്യക്തമാക്കുന്നതാണ് ഈ വൈറൽ വീഡിയോ.
View this post on Instagram
Summary: An Instagram post by an Indian student living in Germany has gone viral after she praised the Delhi Metro as the best transportation system in the world. Mahika Sharma shared that despite Germany’s highly efficient transport network, she deeply misses traveling on the DMRC every single day. The appreciation video resonated widely with social media users and non-resident Indians who proudly certified the Delhi Metro’s top-notch quality and world-class infrastructure.
