ബിഹാർ: ഇന്ത്യൻ ക്രിക്കറ്റിലെ അത്ഭുതബാലൻ വൈഭവ് സൂര്യവംശിയുടെ അനുജൻ ആശിർവാദും കളിക്കളത്തിൽ ചരിത്രം കുറിക്കുന്നു. സമാസ്തിപൂരിലെ ക്രിക്കറ്റ് അക്കാദമി താജ്പൂരിന് വേണ്ടി കളിച്ച 10 വയസ്സുകാരനായ ആശിർവാദ്, പ്രാദേശിക മത്സരത്തിൽ 87 പന്തിൽ നിന്നാണ് 103 റൺസ് അടിച്ചുകൂട്ടിയത് (Vaibhav Sooryavanshi’s Brother Smashes Century). 20 ബൗണ്ടറികളും ഒരു സിക്സറും ഉൾപ്പെട്ടതാണ് ആശിർവാദിന്റെ തകർപ്പൻ ഇന്നിംഗ്സ്. ഏട്ടൻ വൈഭവ് സൂര്യവംശിയുടെ പാത പിന്തുടർന്നുള്ള അനുജന്റെ ഈ നേട്ടം സോഷ്യൽ മീഡിയയിൽ വലിയ ചർച്ചയായിരിക്കുകയാണ്. ശ്രീലങ്കയിൽ നടക്കുന്ന ത്രിരാഷ്ട്ര പരമ്പരയിൽ ഇന്ത്യ എ ടീമിനായി കളിക്കുന്ന വൈഭവ്, തന്റെ ഇൻസ്റ്റാഗ്രാം സ്റ്റോറിയിലൂടെ അനിയന്റെ ഈ നേട്ടത്തിൽ അഭിമാനം പ്രകടിപ്പിച്ചു.
15 വയസ്സുകാരനായ വൈഭവ് സൂര്യവംശി, ഇതിനകം തന്നെ ലോക ക്രിക്കറ്റിൽ വലിയ ശ്രദ്ധ നേടിക്കഴിഞ്ഞു. 36 വർഷം പഴക്കമുള്ള സച്ചിൻ ടെണ്ടുൽക്കറുടെ റെക്കോർഡ് മറികടന്നാണ് ഏറ്റവും പ്രായം കുറഞ്ഞ ഇന്ത്യൻ താരമായി വൈഭവ് ദേശീയ ടീമിലെത്തിയത്. അയർലൻഡിനും ഇംഗ്ലണ്ടിനുമെതിരായ ടി20 പരമ്പരയ്ക്കുള്ള ഇന്ത്യൻ ടീമിലും വൈഭവ് ഇടംപിടിച്ചിട്ടുണ്ട്. ഐപിഎൽ 2026-ൽ രാജസ്ഥാൻ റോയൽസിനായി തകർപ്പൻ പ്രകടനമാണ് താരം കാഴ്ചവെച്ചത്. 16 മത്സരങ്ങളിൽ നിന്ന് 776 റൺസ് നേടിയ വൈഭവ്, ഓറഞ്ച് ക്യാപ്പും മോസ്റ്റ് വാല്യുബിൾ പ്ലെയർ പുരസ്കാരവും സ്വന്തമാക്കിയിരുന്നു. വൈഭവിനെപ്പോലെ തന്നെ ക്രിക്കറ്റിലെ വമ്പൻ പ്രതീക്ഷയാണ് പത്ത് വയസ്സുകാരനായ ആശിർവാദും എന്ന് ഈ പ്രകടനത്തിലൂടെ വ്യക്തമാകുന്നു.
Summary: Vaibhav Sooryavanshi’s 10-year-old brother, Aashirwad, made headlines by smashing a century (103 off 87 balls) in a local match in Bihar for Cricket Academy Tajpur. The young talent’s performance has been widely celebrated, with Vaibhav, currently playing in Sri Lanka for the India A Tri-Nation Series, sharing his pride on social media.
