കൊൽക്കത്ത: പശ്ചിമബംഗാളിലെ എല്ലാ സർക്കാർ സ്കൂളുകളിലും സർക്കാർ എയ്ഡഡ് സ്കൂളുകളിലും പ്രഭാത അസംബ്ലിയിൽ ദേശീയഗീതമായ ‘വന്ദേമാതരം’ ആലപിക്കുന്നത് സുവേന്ദു അധികാരിയുടെ നേതൃത്വത്തിലുള്ള സർക്കാർ നിർബന്ധമാക്കി (West Bengal Schools Vande Mataram Mandatory). വന്ദേമാതരത്തിന്റെ ആദ്യ ആറ് ഖണ്ഡികകളാണ് പ്രാർഥനാഗാനമായി ആലപിക്കേണ്ടതെന്ന് ഉത്തരവിൽ വ്യക്തമാക്കുന്നു.
ക്ലാസുകൾ ആരംഭിക്കുന്നതിന് മുൻപുള്ള അസംബ്ലിയിൽ എല്ലാ വിദ്യാർത്ഥികളും ദേശീയഗീതാലാപനത്തിൽ പങ്കുചേരണമെന്ന് സർക്കാർ നിർദ്ദേശിച്ചു. ഈ നിർദ്ദേശം കർശനമായി പാലിക്കുന്നുണ്ടെന്ന് ഉറപ്പുവരുത്താൻ സ്കൂൾ അധികൃതർക്ക് പ്രത്യേക നിർദ്ദേശം നൽകിയിട്ടുണ്ട്. വരുന്ന തിങ്കളാഴ്ച മുതൽ സംസ്ഥാനത്തെ എല്ലാ സ്കൂളുകളിലും ഈ മാറ്റം പ്രാബല്യത്തിൽ വരുമെന്ന് മുഖ്യമന്ത്രി സുവേന്ദു അധികാരി മാധ്യമങ്ങളോട് പറഞ്ഞു. ദേശീയത ഉയർത്തിപ്പിടിക്കുന്നതിന്റെ ഭാഗമായാണ് ഈ നീക്കമെന്നാണ് സർക്കാർ വൃത്തങ്ങൾ സൂചിപ്പിക്കുന്നത്. നിയമസഭയ്ക്ക് പുറത്ത് മാധ്യമങ്ങളോട് സംസാരിക്കവെയാണ് മുഖ്യമന്ത്രി ഈ സുപ്രധാന തീരുമാനം പ്രഖ്യാപിച്ചത്.
Summary: The West Bengal government, led by Suvendu Adhikari, has made the singing of the national song ‘Vande Mataram’ mandatory in all government and aided schools during morning assemblies. The first six stanzas are to be sung, and all students must participate. The order will be strictly implemented across the state starting next Monday.
