ചെന്നൈ: തമിഴ്നാടിന്റെ മുഖ്യമന്ത്രിയായി സി. ജോസഫ് വിജയ് അധികാരമേറ്റതോടെ, താരത്തിന്റെ ശമ്പളവും ആസ്തിവിവരങ്ങളും സോഷ്യൽ മീഡിയയിൽ വീണ്ടും സജീവ ചർച്ചയാകുന്നു. സിനിമയിൽ അഭിനയിക്കുമ്പോൾ പ്രതിവർഷം 180 കോടിയിലധികം രൂപ വരുമാനം നേടിയിരുന്ന താരം, ജനസേവനത്തിനായി അത് വേണ്ടെന്നുവെച്ചാണ് രാഷ്ട്രീയത്തിലിറങ്ങിയത്.(Vijay Salary As Tamil Nadu CM vs Movie Income And Net Worth Details)
റിപ്പോർട്ടുകൾ പ്രകാരം തമിഴ്നാട് മുഖ്യമന്ത്രിയുടെ പ്രതിമാസ ശമ്പളം ഏകദേശം 2.85 ലക്ഷം രൂപയാണ്. എംഎൽഎ എന്ന നിലയിലുള്ള ശമ്പളവും മറ്റ് അലവൻസുകളും ഉൾപ്പെടുന്നതാണിത്. ഇതനുസരിച്ച് ഏകദേശം 34 ലക്ഷം രൂപയാണ് ഒരു വർഷം മുഖ്യമന്ത്രിക്ക് ലഭിക്കുന്ന വരുമാനം. അതായത്, സിനിമയിൽ നിന്ന് ലഭിച്ചിരുന്ന വരുമാനത്തിന്റെ ഒരു ചെറിയ ശതമാനം മാത്രമാണ് മുഖ്യമന്ത്രി എന്ന നിലയിൽ വിജയ്ക്ക് ലഭിക്കുക. ശമ്പളത്തിന് പുറമെ ഔദ്യോഗിക വസതി, സ്റ്റാഫ്, വിപുലമായ സുരക്ഷാ സംവിധാനം, യാത്രാ സൗകര്യങ്ങൾ, മെഡിക്കൽ ആനുകൂല്യങ്ങൾ എന്നിവയും അദ്ദേഹത്തിന് ലഭിക്കും.
തിരഞ്ഞെടുപ്പ് കമ്മീഷന് സമർപ്പിച്ച സത്യവാങ്മൂലം പ്രകാരം വിജയുടെ ആകെ ആസ്തി 624 കോടി രൂപയാണ്. ഐ.ഒ.ബി ശാലിഗ്രാമം ബ്രാഞ്ചിലെ അക്കൗണ്ടിൽ മാത്രം 213.36 കോടി രൂപ ബാലൻസുണ്ട്. വിവിധ ബാങ്കുകളിലായി 100 കോടി രൂപയുടെ ഫിക്സഡ് ഡിപ്പോസിറ്റുമുണ്ട്. 220 കോടി രൂപയുടെ ഭൂമിയും കെട്ടിടങ്ങളും, ലക്ഷ്വറി കാറുകൾ ഉൾപ്പെടെ 13.52 കോടി രൂപയുടെ വണ്ടികൾ, 883 ഗ്രാം സ്വർണ്ണം, ഭാര്യ സംഗീതയുടെ പേരിൽ 4.07 കോടിയുടെ സ്വർണ്ണം, കൂടാതെ ഒരു കോടി രൂപയുടെ വജ്രങ്ങൾ എന്നിവയുണ്ട്.
വ്യക്തികൾക്കും ട്രസ്റ്റുകൾക്കുമായി 75.5 കോടി രൂപ കടം നൽകിയിട്ടുണ്ട്. ഓഹരി വിപണിയിൽ വലിയ നിക്ഷേപങ്ങളില്ല. വെറും 19.37 ലക്ഷം രൂപ മാത്രമാണ് ഷെയറുകളിലുള്ളത്. 2024-25 സാമ്പത്തിക വർഷത്തിൽ മാത്രം 184.53 കോടി രൂപ വരുമാനം നേടിയ സ്ഥാനത്തുനിന്നാണ് വിജയ് വെറും 34 ലക്ഷം രൂപ വാർഷിക ശമ്പളമുള്ള മുഖ്യമന്ത്രി പദത്തിലേക്ക് എത്തുന്നത്.
Story Summary
As Vijay takes oath as the Tamil Nadu CM, his financial transition from cinema to politics is being widely discussed. While he earned over ₹180 crore annually from movies, his salary as CM will be around ₹34 lakh per year. Vijay holds assets worth ₹624 crore, including massive bank deposits and luxury properties.
