നോയിഡ: ചരിത്രപരമായ നിമിഷങ്ങൾക്ക് സാക്ഷ്യം വഹിച്ച് നോയിഡ അന്താരാഷ്ട്ര വിമാനത്താവളത്തിൽ ആദ്യ വിമാനം ലാൻഡ് ചെയ്തു. ലഖ്നൗവിലെ ചൗധരി ചരൺ സിംഗ് അന്താരാഷ്ട്ര വിമാനത്താവളത്തിൽ നിന്ന് രാവിലെ 7.12-ന് പറന്നുയർന്ന ഇൻഡിഗോയുടെ 6E 2278 നമ്പർ വിമാനം 7.58-ഓടെ നോയിഡയിൽ സുരക്ഷിതമായി ലാൻഡ് ചെയ്തു.(Noida International Airport Commences Passenger Flights With First Landing From Lucknow)
ലാൻഡിംഗിന് പിന്നാലെ വിമാനത്താവളത്തിൽ നിന്നുള്ള ആദ്യ ടേക്ക്-ഓഫും നടന്നു. വിമാനത്താവളത്തിന്റെ ആദ്യഘട്ട വികസനത്തിനായി തങ്ങളുടെ ഭൂമി വിട്ടുനൽകിയ ജെവാർ മേഖലയിലെ നാട്ടുകാരുമായാണ് വിമാനം തിരികെ ലഖ്നൗവിലേക്ക് പറന്നത്. വികസനത്തിന്റെ ഭാഗമായി മണ്ണും മനസും നൽകിയവർ തന്നെ ഈ ചരിത്ര നിമിഷത്തിൽ പങ്കാളികളായത് ഏറെ ശ്രദ്ധേയമായി.
ഏറ്റവും വലിയ വിമാനത്താവളങ്ങളിൽ ഒന്നായി വിഭാവനം ചെയ്തിരിക്കുന്ന ഈ പദ്ധതി, മേഖലയിലെ യാത്രാ സൗകര്യങ്ങളിൽ വലിയ മാറ്റങ്ങളാണ് കൊണ്ടുവരുന്നത്. നോയിഡ വിമാനത്താവളത്തിന്റെ പ്രവർത്തനം ആരംഭിച്ചതോടെ എൻസിആർ മേഖലയുടെ ഗതാഗത ഭൂപടത്തിൽ വലിയൊരു വികസന മുന്നേറ്റമാണ് ഉണ്ടായിരിക്കുന്നത്.
Story Summary
Noida International Airport has officially commenced passenger operations with the successful landing of its first flight from Lucknow. Following the arrival, the airport marked another milestone with its first takeoff, carrying local residents from the Jewar region who had contributed their land for the project’s development.
