പ്രമാദമായ മേഘാലയ ഹണിമൂൺ കൊലപാതകക്കേസിലെ പ്രധാന പ്രതി സോനം രഘുവംശിക്ക് ലഭിച്ച ജാമ്യം റദ്ദാക്കണമെന്നാവശ്യപ്പെട്ട് മേഘാലയ സർക്കാർ സുപ്രീം കോടതിയിൽ. ജാമ്യം അനുവദിച്ച ഹൈക്കോടതി ഉത്തരവിനെ ചോദ്യം ചെയ്തുകൊണ്ടാണ് സർക്കാർ സുപ്രീം കോടതിയെ സമീപിച്ചത്. കേസ് വെള്ളിയാഴ്ച കോടതി പരിഗണിക്കും. (Meghalaya Honeymoon Murder Case)
സോനം രഘുവംശിക്ക് ജാമ്യം നൽകിയതിലെ നടപടിക്രമങ്ങളിലെ പിഴവുകൾ ചൂണ്ടിക്കാട്ടിയാണ് സർക്കാർ കോടതിയിലെത്തിയത്. അറസ്റ്റ് സമയത്ത് മതിയായ കാരണങ്ങൾ വ്യക്തമാക്കുന്നതിൽ പോലീസ് പരാജയപ്പെട്ടുവെന്ന സാങ്കേതിക കാരണം ചൂണ്ടിക്കാട്ടിയാണ് കീഴ്ക്കോടതി ജാമ്യം അനുവദിച്ചത്. എന്നാൽ, കൊലപാതകം പോലുള്ള ഗൗരവകരമായ കുറ്റകൃത്യങ്ങളിൽ ഇത്തരമൊരു സാങ്കേതിക പിഴവിന് മുൻതൂക്കം നൽകുന്നത് ശരിയല്ലെന്ന് സോളിസിറ്റർ ജനറൽ തുഷാർ മേത്ത വാദിച്ചു. അറസ്റ്റ് മെമ്മോയിലും മറ്റ് രേഖകളിലും നിയമവിഭാഗം തെറ്റായി സെക്ഷൻ രേഖപ്പെടുത്തിയതും ഹൈക്കോടതി പരിശോധിച്ചിരുന്നു.
2025 മെയ് മാസത്തിലാണ് ഇൻഡോർ സ്വദേശിയായ വ്യവസായി രാജ രഘുവംശി മേഘാലയയിൽ വെച്ച് കൊല്ലപ്പെടുന്നത്. ഭർത്താവിനെ കൊലപ്പെടുത്താൻ സോനം രഘുവംശി കാമുകൻ രാജ് കുശ്വാഹയുമായി ചേർന്ന് ക്വട്ടേഷൻ സംഘത്തെ ഏർപ്പാടാക്കി എന്നാണ് പോലീസിന്റെ കണ്ടെത്തൽ. 2025 ജൂണിൽ ഉത്തർപ്രദേശിലെ ഗാസിപ്പൂരിൽ നിന്നാണ് സോനം അറസ്റ്റിലായത്. പത്ത് മാസത്തിലേറെ ജയിലിൽ കഴിഞ്ഞ ശേഷമാണ് ഇവർ ജാമ്യം നേടിയത്. സോനത്തിന്റെ ജാമ്യം റദ്ദാക്കണമെന്ന് ആവശ്യപ്പെട്ട് ഇരയുടെ കുടുംബവും സുപ്രീം കോടതിയെ സമീപിക്കാൻ തീരുമാനിച്ചിട്ടുണ്ട്.
Summary: The Meghalaya government has moved the Supreme Court challenging the conditional bail granted to Sonam Raghuvanshi, the prime accused in the high-profile May 2025 honeymoon murder case of businessman Raja Raghuvanshi. The state, represented by Solicitor General Tushar Mehta, argues that the High Court’s reliance on procedural lapses—specifically regarding the communication of arrest grounds—should not overshadow the gravity of the murder allegations.
