ജമ്മു കശ്മീരിലെ സൈദ്പോരയിൽ സുരക്ഷാ സേനയുമായുള്ള ഏറ്റുമുട്ടലിൽ ലഷ്കർ-ഇ-തൊയ്ബ ഭീകരൻ കൊല്ലപ്പെട്ടു. അഞ്ച് ദിവസമായി പ്രദേശത്ത് ഒളിച്ചിരുന്ന ഭീകരനെയാണ് സുരക്ഷാ സേന വധിച്ചത് (Lashkar-e-Taiba terrorist Encounter). ഭീകരന്റെ മൃതദേഹം കണ്ടെടുത്ത സേന, ഇയാളിൽ നിന്ന് ആയുധങ്ങളും വെടിക്കോപ്പുകളും പിടിച്ചെടുത്തിട്ടുണ്ട്. കൊല്ലപ്പെട്ട ഭീകരന്റെ തിരിച്ചറിയൽ നടപടികൾ പുരോഗമിക്കുകയാണ്.
അഞ്ച് ദിവസം മുൻപ് പ്രദേശത്തെ തോട്ടത്തിൽ സ്ഥാപിച്ച നിരീക്ഷണ ക്യാമറകളിൽ ഭീകരർ പതിഞ്ഞതോടെയാണ് സൈന്യം തിരച്ചിൽ ആരംഭിച്ചത്. ലഷ്കർ കമാൻഡർ സാക്കിർ ഗനായിയും സഹായി ലത്തീഫ് ഭട്ടും ഈ മേഖലയിലുണ്ടെന്ന വിവരത്തെത്തുടർന്ന് ജമ്മു കശ്മീർ പോലീസ്, രാഷ്ട്രീയ റൈഫിൾസ്, സി.ആർ.പി.എഫ് എന്നിവർ സംയുക്തമായാണ് ഓപ്പറേഷൻ നടത്തിയത്. സൈദ്പോരയിലെ ചാനപോര മേഖലയിൽ ഭീകരരെ കണ്ടതിന് പിന്നാലെ സേന പ്രദേശം വളയുകയായിരുന്നു. വിക്ടർ ഫോഴ്സിന്റെ സഹായത്തോടെ എല്ലാ വഴികളും അടച്ച് നടത്തിയ തിരച്ചിലിനൊടുവിലാണ് ഏറ്റുമുട്ടൽ നടന്നത്. “നിങ്ങൾക്ക് ഓടാം, പക്ഷേ ഒളിച്ചിരിക്കാനാവില്ല” എന്ന് ജമ്മു കശ്മീർ പോലീസ് ഈ വിജയത്തെക്കുറിച്ച് ഔദ്യോഗികമായി പ്രതികരിച്ചു.
Summary: Security forces have killed a Lashkar-e-Taiba terrorist in an encounter in the Saidpora area of South Kashmir, ending a five-day search operation. The operation, conducted jointly by J&K Police, Rashtriya Rifles, and CRPF, was initiated after surveillance footage spotted the suspects in a dense orchard, leading to the recovery of arms and ammunition from the neutralized militant.
