ന്യൂഡൽഹി: പരീക്ഷാ തട്ടിപ്പുകൾക്കും ചോദ്യപേപ്പർ ചോർച്ചയ്ക്കുമെതിരെ കർശന വ്യവസ്ഥകളോടെയുള്ള പുതിയ നിയമ നിർമ്മാണത്തിൽ പ്രതിപക്ഷം സഹകരിക്കണമെന്നും നിർണ്ണായക ചർച്ചയിൽ പങ്കാളികളാകണമെന്നും കേന്ദ്ര പാർലമെന്ററി കാര്യ മന്ത്രി കിരൺ റിജിജു. ‘പബ്ലിക് എക്സാമിനേഷൻസ് (പ്രിവൻഷൻ ഓഫ് അൺഫെയർ മീൻസ്) ഭേദഗതി ബിൽ, 2026’ ലോക്സഭയിൽ അവതരിപ്പിക്കുന്ന വേളയിലാണ് സഭയിൽ ബഹളം വെക്കാതെ ചർച്ചയിൽ പങ്കെടുക്കാൻ അദ്ദേഹം പ്രതിപക്ഷ പാർട്ടികളോട് അഭ്യർത്ഥിച്ചത്.(Kiren Rijiju Urges Opposition To Participate In Anti Paper Leak Bill Debate In Parliament)
രാജ്യത്തെ വിദ്യാർത്ഥി പ്രക്ഷോഭങ്ങളും പരീക്ഷാ തട്ടിപ്പുകളും കണക്കിലെടുത്ത് പ്രധാനമന്ത്രി നരേന്ദ്ര മോദി വലിയ തീരുമാനങ്ങളാണ് കൈക്കൊണ്ടിട്ടുള്ളതെന്ന് റിജിജു പറഞ്ഞു. പരീക്ഷാ പരിഷ്കാരങ്ങൾക്കായി നന്ദൻ നിലേകനിയുടെ നേതൃത്വത്തിൽ ഉന്നതാധികാര സമിതി രൂപീകരിച്ചതും കടുത്ത ശിക്ഷ ഉറപ്പാക്കുന്ന പുതിയ ഭേദഗതി ബിൽ കൊണ്ടുവന്നതും ഇതിന്റെ ഭാഗമായാണെന്ന് അദ്ദേഹം വ്യക്തമാക്കി. ഈ സുപ്രധാന നിയമ നിർമ്മാണ വേളയിൽ സഭാ നടപടികൾ തടസ്സപ്പെടുത്തുന്നത് തെറ്റായ സന്ദേശമാണ് നൽകുകയെന്നും മന്ത്രി കൂട്ടിച്ചേർത്തു.
കേന്ദ്രമന്ത്രി ജിതേന്ദ്ര സിംഗ് ആണ് 2024-ലെ നിയമത്തിൽ ഭേദഗതികൾ വരുത്തുന്ന പുതിയ ബിൽ സഭയിൽ അവതരിപ്പിച്ചത്. നീറ്റ് (NEET-UG) ക്രമക്കേടുകൾ ഉയർത്തിക്കാട്ടി ജന്തർ മന്തറിൽ സി.ജെ.പി നടപ്പിലാക്കിയ 37 ദിവസം നീണ്ട പ്രക്ഷോഭത്തിന് ഒടുവിലാണ് സർക്കാരിന്റെ നിർണ്ണായക നീക്കം.
Story Summary
Union Parliamentary Affairs Minister Kiren Rijiju urged opposition parties to participate constructively in the debate on the Public Examinations Amendment Bill 2026 rather than disrupting House proceedings. He emphasized that the government is introducing a stringent law to curb paper leaks and restore trust following widespread student agitations and examination controversies.
